Какви промени ќе предизвика на пазарот вештачката интелигенција (ВИ) и како бизнисите да држат чекор со развојот на новите технологии?
Според Крсто Златков, генерален менаџер на Институтот за дизајн и технологии – Скопје, на ВИ не треба да се гледа како на закана за работните места, туку како на шанса за креирање нови работни позиции и зголемување на продуктивноста на бизнисите.
„Секако дека постои аспект на замена на одредени позиции, меѓутоа технологијата креира и нови работни места и нови работни позиции. Така што, од тој аспект вештачката интелигенција ви овозможува подобра анализа на целокупната дата на податоци што ние ја имаме низ сите овие години и општо во која било сфера, во која било индустрија. Еве, да сакате во медицина да направите одредено истражување, вам ви треба многу повеќе време да прочитате еден тон научни трудови итн. Но, со обработка на тие податоци, вие денес можете да дојдете до подобри решенија, од друга страна човечкиот фактор секогаш ќе биде тука за да може да одлучи финално. Значи, вие добивате одреден податок или одредено решение, но како човек сте тука да можете да одлучите што ќе правите со тој податок. Сега, има други низа фактори на кои треба да обрнеме внимание во однос на заштитата на податоците итн., но дефинитивно технологијата ќе ни помогне во одредени процеси и ќе дојдеме до нови работни позиции. Тоа бара подобра и побрза адаптација на нас луѓето во делот на оваа индустрија или, пак, каде и да работиме. Ако досега сме биле научени да работиме во одредена индустрија некој процес мануелно или тој процес да трае подолго, денес со помош на технологијата и ВИ ќе го скратиме тоа време, односно ќе доаѓаме побрзо до решението и со тоа ќе ја подобриме нашата продуктивност“, вели Златков.
Златков е дел од ИКТ-секторот, кој се чини е меѓу најпривлечните, особено за новите генерации. Тој потенцира дека во услови на зголемена конкуренција, освен следење на новите трендови и технолошки иновации, клучни се и доквалификација и преквалификација на работниците. Но и во тоа има предизвици.
„Во Македонија и во регионот поголемиот дел компани се ориентирани кон аутсорсинг и токму на тој пазар има поголема конкуренција и побарувачка. Кадрите ние ги задоволуваме со едукација преку формално и неформално образование. Само на Факултетот за компјутерски и технолошки науки кај нас имаме над 1.000 студенти годишно што аплицираат на студиите, од друга страна се појавија сè поголем број неформални тренинг-центри што се обидуваат да ја задоволат оваа зголемена побарувачка преку преквалификација и доквалификација на кадри. Е сега, тука, кај преквалификацијата на кадри имаме сè поголем број луѓе што преку брзи програми се обидуваат да влезат во оваа индустрија и тука мора да ја напоменеме онаа опасност од влез во индустријата од аспект на само на техничко усовршување (во делот на пример на програмските јазици), но не и доволно зреење како кадри и доволно искуство или можеби добра основа во делот на математиката итн.“, вели Златков.
Целиот разговор погледнете го во видеото во рамките на објавата.
.webp){kind=icon}
Во моментов нема коментари за веста. Биди прв да коментира...