.webp){kind=icon}
Генералниот директор на АД ЕСМ, Васко Стефанов, заедно со дел од раководството одржа состанок со високи претставници од Европската банка за обнова и развој (ЕБРД).
Како што соопштија од АД ЕСМ, на состанокот се разговарало за тековните проекти што се реализираат од областа на обновливите извори, при што како особено позитивен сигнал било издвоено пуштањето во производство на првата фотонапонска електроцентрала во кругот на РЕК Осломеј-Кичево, финансирана во еден дел со поволна кредитна линија од ЕБРД, како и за другите проекти што се во тек на реализација, пред сè фотонапонската електроцентрала Осломеј 2 од 10 MW, фотонапонската електроцентрала Битола 1 од 20 MW, како и можноста за финансирање и реализација на проекти за подобрување на хидрологијата, која е од големо значење, особено во услови на криза.
Истакната е и важноста на транзицијата кон зелена енергија низ земјите од Европа, особено во земјите од Западен Балкан што се зависни од фосилни горива.
АД ЕСМ е со фокус кон изградба на нови сончеви електроцентрали и целокупната поддршка што континуирано ја добива од партнерите како енергетска компанија ориентирана кон инвестиции во обновливи извори и спроведување на енергетската транзиција е од особено значење, се наведува во соопштението од компанијата.
