.webp){kind=icon}
Близу цел месец нема ден да не врне, и не станува збор само за дожд туку за силни невремиња од кои најмногу штета трпат земјоделците. Идната недела ќе анализираме какви ќе бидат приносите годинава, дали климатските промени ќе ја држат цената на храната и натаму висока, но и клучното прашање како земјоделците да се однесуваат во иднина со оглед на тоа дека времето и натаму ќе им биде непријател.
Ќе ги анализираме и цените на енергентите. Какви се очекувањата за наредниот период во однос на цената на струјата и гасот, дали се гледа светло на крајот тунелот или може да ни се повтори минатото лето кога поскапувањата беа најголеми?
Нашите аналитичарите за следната недела подготвуваат анализа за движењата на пазарите на акции и обврзници во Адрија регионот од почетокот на оваа година, како и за изгледите за до крајот на 2023 година.
Уште еднаш ќе го анализираме најгорливиот глобален проблем – недостигот на работници. Германија останува најчестата дестинација кон која се упатуваат домашните кадри, ќе анализираме какви се платите кои ги добиваат таму.
На прагот сме на летото и колони туристи од Србија веќе влегуваат во земјава на пат кон Грција. Се олеснува принципот на плаќање патарина за нив, а ќе анализираме и колку државава инкасира од оваа давачка. Ќе се обидеме да дознаеме и како да ги задржиме овие странски гости барем на едно ноќевање во земјава.
Вештачката интелигенција ќе ни биде тема и идната недела, но на домашен терен. Кои компании во земјава се потпираат на неа. Имаме ли национална стратегија за ова прашање и дали државната дигитална асистентка АДА наскоро може да добие засилување.
