.webp){kind=icon}
Падна системот за наплата со банкарските картички. Граѓаните веќе неколку часа не можат да подигнуваат пари од банкомат ниту да извршат плаќање со дебитните или кредитните картички. Од Македонската банкарска асоцијација велат дека проблемот е со картичките „виза“ (VISA) и „мастеркард“ (MasterCard), кои се недостапни на банкомат или во трговија. Средствата што ги имаат граѓаните се достапни во сите експозитури и филијали на банките, појаснуваат од асоцијацијата.
„Членките на Македонската банкарска асоцијација се во интензивна комуникација со картичните брендови ’Виза’ и ’Мастеркард’ и од досегашните анализи може да се каже дека причината за проблемот не е поврзана со националните телеком-оператори, ниту со поединечните системи на банките“.
Од Македонската банкарска асоцијација велат дека по сознанијата, јавноста ќе биде информирана која е причината за настанатиот проблем со банкарските картички.
