.webp){kind=icon}
Без оглед дали е итар инвеститор или искусен банкар, или пак целосно финансиски малку запознаен граѓанин - тројцата имаат едно заедничико деновиве. Се прашуваат дали ќе влеземе во рецесија. Ама не само во Македонија, туку и глобално во светот. Затоа овој збор стана еден од најпребаруваните во последниот период на Google, покажуваат трендовите кои пребрувачот ги брои во секцијата google trends.
Додека централните банки ширум светот ги зголемуваат каматните стапки за да се борат против зголемената инфлација, светот нервозно ги следи прогнозите за економско забавување. Ајде сите прво да разговараме за нашите грижи со чичко Гугл. Тој знае многу, поради тоа што има 92 отсто пазарен удел меѓу веб-прелистувачите, според податоците за јуни 2021 година. Во својата услуга Google Trends, пребарувачот транспарентно покажува со какви прашања се занимава човештвото.
Зборот „рецесија“ се повеќе се бара. Умерениот раст на пребарувањето започна веќе на крајот на февруари, кога Русија ја започна својата инвазија на Украина. Интересот за рецесија значително се зголеми во април и мај, кога главна тема беше инфлацијата - растеше и интересот за тој збор. Луѓето се обраќаа до Google за информации за рецесијата најинтензивно во првата половина на јуни. Поради заострувањето на монетарната политика од страна на централните банки, се почести се предвидувањата за рецесија; аналитичарите се повеќе нагаѓаат кога ќе дојде до рецесија и колку лоша ќе биде, веќе не дали воопшто ќе дојде.
„Гугл Трендс“ покажува и дека најголем интерес за рецесија има во Соединетите Американски Држави, генерално, првите пет земји по „гуглање“ на рецесијата се богатите западни земји, на кои им се придружува и подеднакво богатиот Сингапур. Можеби во време на рецесија и тренд на мечкин пазар, благослов е да имаш повеќе затоа што имаш помалку да изгубиш; поверојатно е дека во многу посиромашни земји луѓето поминуваат помалку време на Google бидејќи нивните интернет-врски не се толку добри како во САД.
Каква е ситуацијата во Македонија?
Македонците и претходно доста го пребарувале овој термин. Најмногу минатиот месец, во јуни, кога има значаен раст.
А кој од кај нас е најмногу заинтересиран. Податоците покажуваат дека тоа е охридскиот регион. Ако се анализира по градови тоа се секако скопјани.
Исто така е интересно да се погледнат поврзаните пребарувања. На трето место е слоганот „голема рецесија на Deutsche Bank“, кој се однесува на извештајот на Deutsche Bank од април во кој осмата по големина европска банка предвидува „тешка рецесија“ на крајот на следната година. Овој извештај беше објавен кон крајот на април, што исто така се совпаѓа со зголемениот интерес за рецесијата на Google.
Место подолу е ознаката „рецесија на Елон Маск 2022“, што укажува дека луѓето биле целосно вознемирени од изјавите и твитовите на основачот на Тесла, Илон Маск, во мај. Тој, меѓу другото, рече дека рецесијата во основа е веќе започната и дека, според неговите проценки, ќе трае од 12 до 18 месеци. Тој најави и отпуштања во Tesla и ги советуваше директорите да престанат да вработуваат.
