Инфлацијата во Македонија се зацементира над границата од осум проценти

Стапката на инфлација во Македонија во август годинава изнесувала 8,3 проценти, што е речиси на исто ниво како и претходниот месец кога изнесуваше 8,4 проценти. Според податоците на Државниот завод за статистика цените на мало во август се зголемиле за 5,6 проценти.

Кога станува збор за храната, во август пораст на цените е забележан кај свежото и разладеното овошје за 7,8 проценти, свежиот и разладениот зеленчук за 7 проценти, сирењето и урдата за 3,2 проценти, млекото за 2,6 проценти, лебот и житата за 1,6 проценти, месото за 0,9 проценти, кафето, чајот, какаото за 0,8 проценти, минералната вода, газираните пијалаци, соковите од овошје и зеленчук за 0,6 проценти, шеќерот, џемот, медот, чоколадата и кондиторските производи за 0,4 проценти, пивото за 0,3 проценти и прехранбените производи неспоменати на друго место за 0,2 проценти.

Намалување на цените кај храната во август 2023 година во споредба со претходниот месец е забележано кај рибата и морските плодови за 0,7 проценти, маслото и маснотиите за 0,5 проценти, јајцата и виното за 0,4 проценти.

Во август, исто така, пораст на цените е забележан кај течните горива за домаќинствата за 11,4 проценти, воздухопловниот патнички транспорт за 9,2 проценти, горивата и мазивата за сопствените превозни средства за 6,7 проценти и кај повеќе други производи и услуги.

 

Во моментов нема коментари за веста. Биди прв да коментира...

Остави коментар