Просечната каматна стапка на кредитите во август е непроменета, додека кај депозитите има зголемување, објави Народната банка. Според податоците, просечната каматна стапка на кредитите во август изнесувала 5,49 проценти, исто како и минатиот месец додека на годишно ниво е зголемена за 1,15 процентни поени.
И покрај ресриктивната монетарна политика, во август, просечната каматна стапка на новоодобрените кредити бележи месечно намалување од 0,04 процентни поени и изнесува 5,53 отсто. На годишно ниво е зголемена за 1,49 процентни поени.
Што се однесува за штедењето, каматите се менуваат и на месечно и на годишно ниво - месечниот раст е 0,05 процентни поени, додека годишниот е поголем и изнесува 0,86 процентни поени. Каматите на депозитите сега се позиционирани на 1,55 проценти.
Просечната каматна стапка на новопримените депозити изнесува 2,17 отсто и е пониска за 0,04 процентни поени на месечна основа, при годишен раст од 1,25 процентни поени.
Ако се анализира само корпоративниот сектор, просечната каматна стапка на вкупните кредити на корпоративниот сектор, во август, остана на истото ниво од 5,36 отсто како и претходниот месец, додека на годишна основа оваа каматна стапка е повисока за 1,81 процентни поени.
.webp){kind=icon}
