.webp){kind=icon}
Пензионерите, учениците во средно и основно училиште пензионерите се првите категории опфатени со новиот пакет мерки за кои е предвидена неколкумесечна парична помош. Владата донесе деветти пакет антикризни мерки во вредност од 662 милиони евра кој е наменет за компаниите и ранливите категории на граѓани.
Во следните пет месеци околу 187.000 пензионери во зависност од висината на пензијата ќе бидат опфатени со владината поддршка за која чија намена се одвоени 35 милиони евра.
„Во наредните пет месеци пензионерите со пензија до 14.000 денари ќе добиваат по три илјади денари месечно. Оние со пензија од 14 – 16 илјади денари ќе добиваат две илјади денари месечно, додека пензионерите со примања од 16.000 до 19.000 денари во следните пет месеци ќе имаат поддршка од 1500 денари.“ вели премиерот Димитар Ковачевски.
Блумберг Адрија
Учениците во основно училиште од семејства со примања под 50.000 денари, ќе добиваат по 1.200 денари месечно следните шест месеци, додека учениците во средно училиште се обезбедени по 1.800 денари во истиот период. Во следните седум месеци, 15 илјади студенти што студираат надвор од местото на живеење, ќе добијат ваучер за превоз во вредност од 600 до 1.200 денари месечно. Вкупно се опфатени 105.000 ученици, а за оваа мерка се обезбедени 14,3 милиони евра.
„Сè што беше побарано од Владата го исполнивме, се грижиме за најранливите категории и никој нема да биде изоставен.“ истакна Ковачевски
Во наредните пет месеци, по 2.000 денари месечно ќе добијат корисниците на надоместок заради попреченост, самохрани родители и родители на деца со попреченост до 26 години. За зголемување на производството на земјоделските производи предвидена е авансна исплата на субвенции од 1,8 милиони евра.
Повторно е во план и програма за енергетска сиромаштија за која се предвидени милион евра за над пет илјади семејства. Пакетот содржи 26 антикризни мерки, дел од парите се обезбедени од обврската на компаниите за намирување на солидарниот данок.
