На последниот ден од ноември, нето вредноста на отворените инвестициски фондови изнесуваше 13,1 милјарди денари односно 213 милиони евра, што претставува месечно зголемување од 4,96 проценти во однос на последниот ден од октомври, соопшти денеска Комисијата за хартии од вредност во новиот месечен извештај.
„Во ноември, вкупниот прилив на средства во отворените инвестициски фондови изнесува 21,84 милиони евра што споредбено со октомври е зголемување за 37,14 проценти на месечна основа. Инаку, во октомври приливите изнесуваа 15,9 милиони евра.“, информираа од КХВ.
Одливите во ноември се зголемени за 48,03 проценти во споредба со октомври, односно во ноември тие изнесуваа 16,3 милиони евра.
„Во ноември се забележува позитивна нето разлика на приливите и одливите во отворените инвестициски фондови од 5,5 милиони евра.“, велат од КХВ.
.webp){kind=icon}
