.webp){kind=icon}
Во ноември 2023 година, просечната каматна стапка на вкупните кредити изнесува 5,48 проценти и бележи минимално месечно намалување од 0,01 п.п., додека на годишно ниво е зголемена за 1,07 п.п., соопшти Народната банка. Оттаму додаваат дека просечната каматна стапка на вкупните депозити оствари месечен и годишен раст од 0,07 п.п. и 0,97 п.п., соодветно и изнесува 1,74 проценти.
„Просечната каматна стапка на новоодобрените кредити во ноември е намалена за 0,17 п.п. на месечна основа, при годишен раст од 0,89 п.п. и изнесува 5,38 проценти. Просечната каматна стапка на новопримените депозити изнесува 2,28 проценти и забележа месечен пад од 0,04 п.п., а на годишно ниво е зголемена за 1,01 п.п.“, велат од Народната банка.
Во ноември, просечната каматна стапка на вкупните кредити на корпоративниот сектор изнесува 5,36 проценти и е минимално намалена за 0,01 п.п. на месечно ниво.
„Промената во целост се должи на пониските каматни стапки на кредитите во странска валута (за 0,06 п.п.), во услови на раст на каматните стапки на денарските кредити без и со валутна клаузула (за 0,01 п.п., соодветно). Во споредба со ноември минатата година, просечната каматна стапка на вкупните кредити на корпоративниот сектор е повисока за 1,61 п.п.“, објаснуваат од Народната банка.
Каматната стапка на новоодобрените кредити на корпоративниот сектор, во ноември, оствари месечно намалување од 0,32 п.п. и изнесува 5,39 проценти.
„Надолната промена произлегува од пониските каматни стапки на денарските кредити без валутна клаузула и каматните стапки на кредитите во странска валута (за 0,34 п.п.и 0,07 п.п., соодветно), при раст на каматните стапки на денарските кредити со валутна клаузула (за 0,56 п.п.). Анализирано на годишно ниво, оваа каматна стапка е зголемена за 0,94 п.п.“, велат од Народната банка.
Во ноември, просечната каматна стапка на вкупните депозити на корпоративниот сектор изнесува 2,23 проценти и е зголемена за 0,27 п.п., во споредба со претходниот месец.
„Месечната промена се должи на повисоките каматни стапки на денарските депозити без валутна клаузула и каматните стапки на депозитите во странска валута (за 0,32 п.п. и 0,13 п.п., соодветно), при непроменети каматни стапки на денарските депозити со валутна клаузула.“, информираат од Народната банка.
Просечната каматна стапка на вкупните депозити на корпоративниот сектор е зголемена за 0,93 п.п. во однос на ноември минатата година.
„Каматната стапка на новопримените депозити на корпоративниот сектор, во ноември забележа месечен раст од 0,20 п.п. и изнесува 1,71 проценти. Анализирано по валута, растот е резултат на зголемените каматни стапки на денарските депозити со и без валутна клаузула (за 0,58 п.п. и 0,12 п.п., соодветно), додека каматните стапки на депозитите во странска валута остварија пад (за 0,02 п.п.). Годишниот раст на оваа каматна стапка изнесува 0,59 п.п.“, велат од Народната банка.
Оттаму посочуваат дека во ноември, каматната стапка на вкупните кредити на домаќинствата остварила минимално месечно намалување од 0,01 п.п. и изнесува 5,59 проценти.
„Притоа, надолната промена е одраз на пониските каматни стапки на денарските кредити со валутна клаузула (за 0,03 п.п.), каматните стапки на кредитите во странска валута (за 0,02 п.п.) и каматните стапки на денарските кредити без валутна клаузула (за 0,01 п.п.). На годишна основа, каматната стапка на вкупните кредити на домаќинствата е повисока за 0,57 п.п.“, велат од Народната банка.
Просечната каматна стапка на новоодобрените кредити на домаќинствата, овој месец, изнесува 5,35 проценти, што претставува месечен раст од 0,07 п.п. Растот се објаснува со зголемените каматни стапки на денарските кредити во странска валута (за 0,42 п.п.), каматните стапки на денарските кредити без валутна клаузула (за 0,16 п.п.), како и каматните стапки на кредитите со валутна клаузула (за 0,02 п.п.).
Просечната каматна стапка на новоодобрените кредити на домаќинствата е повисока за 0,80 п.п. во однос на ноември минатата година.
Во ноември, кај каматната стапка на вкупните депозити на домаќинствата е забележан раст од 0,05 п.п. на месечна основа и изнесува 1,69 проценти.
„Нагорната промена, произлегува од повисоките каматни стапки на денарските депозити без валутна клаузула и каматните стапки на депозитите во странска валута (за 0,06 п.п. и 0,05 п.п., соодветно), при остварен пад на каматните стапки на денарските депозити со валутна клаузула (за 0,09 п.п.). Оваа каматна стапка е зголемена за 0,97 п.п., споредено на годишно ниво.“, велат од Народната банка.
Каматната стапка на новопримените депозити на домаќинствата во ноември, изнесува 2,46 проценти и е намалена за 0,11 п.п. во однос на претходниот месец.
„Анализирано по валута, месечната промена е резултат на пониските каматни стапки на денарските депозити без валутна клаузула и каматните стапки на депозитите во странска валута (за 0,16 п.п. и 0,09 п.п., соодветно). Притоа, кај банките и штедилниците овој месец не се евидентирани новопримени денарски депозити со валутна клаузула. Каматната стапка на новопримените депозити на домаќинствата бележи годишен пораст од 1,10 п.п.“, велат од Народната банка.
