.webp){kind=icon}
Kомпанија од атрактивна технолошка дестинација од Југоисточна Азија е новата странска инвестиција со која Дирекцијата за технолошки индустриски развојни зони (ТИРЗ) ќе ја почне 2024 година. Како што открива директорот на Дирекцијата Јован Деспотовски во интервју за МИА, инвестицијата ќе биде објавена утре, локацијата е ТИРЗ Скопје 1, а до крајот на инвестицискиот период само за плати предвидува над 15 милиони евра годишно.
Со оваа инвестиција, според Деспотовски, се отвора целосно ново поглавје во однос на типот и квалитетот на вложувањата, посебно од аспект на високи плати и ангажирање млади луѓе со високи квалификации. Компанијата има претставништва во повеќе земји низ светот и веќе вработува млади кадри од државава, но со договорот што е постигнат, бројката дваесеткратно ќе се зголеми.
“Со оваа инвестиција отвораме едно целосно ново поглавје во типот и квалитетот на инвестициите кои доаѓаа во земјава, посебно од аспект на високи плати и ангажманот на млади луѓе со високи квалификации, вели Деспотовски.
Прочитај повеќе
ТИРЗ: Oтворен повик за инвестиции во 50 мегавати соларни централи
Целта е да се искористи дел од земјиштето во склоп на зоните кое во изминативе години, а во некои случаи повеќе од 15г. е неискористено.
25.11.2023
Турската „Шахтерм“ ќе инвестира 70 милиони евра во нов капацитет во ТИРЗ Скопје
Новата инвестиција ќе опфати и центар за истражување и развој, а ќе преставува прв производствен капацитет на „Шахтерм“ надвор од Република Турција.
23.11.2023
Високите каматни стапки ќе се задржат подолго време
Прогнозите на НБРМ за економските параметри годинава се во линија со прогнозите што „Фајненс тинк“ ги имаше во септември.
17.11.2023
Што ќе донесат законските измени за индустриските зони?
Измените треба да овозможат еднакви можности за домашните и странските инвеститори.
07.09.2023
Германската компанија БМЗ ќе инвестира 64,9 милиони евра во Скопје
Во новиот капацитет БМЗ ДООЕЛ Скопје ќе се врши сериско производство на батериски производи.
04.09.2023
Деспотовски: Словенечка компанија влегува во ТИРЗ
Продолжува трендот на пораст на работни места во индустриските зони, вели Јован Деспотовски, директор на ТИРЗ.
05.06.2023
Според него, има значаен ефект од странските инвестиции во слободните зони. „Ако во 2016 година просечната плата била над 19.000 денари, годинава очекуваме просечна нето-плата од речиси 40.000 денари што е раст од 92 отсто за само шест години“, вели Деспотовски.
Бројот на работници во зоните се искачи на речиси 18.000 што е два пати повеќе споредено со 6.000 во 2016 година. Деспотовски вели дека ако во 2016 година сме имале 650 милиони евра инвестиции, сега се две милијарди постигнати инвестициски договори, а објаснува и дека има континуиран раст на уплатите во буџетот од компаниите кој годинава се очекува да биде околу 70 милиони евра што е седум пати повеќе споредено со периодот од пред шест години.
„Првичните анализи покажуваат раст на платите од најмалку 20 отсто кај компаниите во зоните споредено со лани, но и дека ќе бидат над државниот просек. Затоа, за мене е најголем успех тоа што успеавме да наметнеме повисоките плати за нашите сограѓани да бидат клучен сегмент во инвестициските планови на идните странски инвеститори со што дефинитивно го напуштивме концептот на евтина работна сила, вели тој.
