Министерството за земјоделство, шумарство и водостопанство соопшти дека се подготвува нов закон за виното.
„Со овој закон се уредуваат планирањето и управувањето со производствениот потенцијал за производство на винско грозје, производството на вино, пазарот и прометот со вино, класификацијата на вината, производството, означувањето и заштитата на вината со географски назив и описот, означувањето и заштитата на виното“, се вели во известувањето објавено преку Единствениот национален електронски регистар на прописи (ЕНЕР).
Како главни цели на законот се наведени заштита на интересите на производителите на винско грозје и вино и потрошувачите на вино, подобрување на квалитетот на виното и другите производи од винско грозје и добро функционирање на внатрешниот и надворешниот пазар на винско грозје и вино. Дополнително, законот треба да дефинира утврдување на производна цена на застапените сорти на винско грозје, како и зајакнување на улогата на здруженијата на производители на вина и грозје во делот на контролата и квалитетот.
.webp){kind=icon}