.webp){kind=icon}
Во овој момент е мисловна именка да се размислува дека Европа може да ја намали зависноста од рускиот гас, вели Андреја Јосифовски, претседател на Одборот на директори на „Макпетрол“ во ексклузивно интервју за Bloomberg Adria. Во моментов 40 отсто од европскиот увоз на гас вреден 450 милијарди метри кубни гас го обезбедува Русија. Станува збор за 180 милијарди метри кубни гас и Јосифовски вели дека засега нема други опции.
„Вие така експресно да ги замените овие количини е невозможно. Не е работа дали има или нема доволни количини на ЛНГ или таканаречениот течен природен гас, прашањето е дали има капацитети кои ќе го примат и ќе го регасифицираат тој течен гас па да се пушти во постојната инфраструктура за да се замени рускиот гас. Мое лично мислење е дека тоа во наредните три до пет години е невозможно ако нивото на потрошувачката остане како што е денеска. Сведоци сме дека кинескиот пазар и пазарот во азиските земји годишно ја зголемува својата потрошувачка на гас од 8 до 10 проценти годишно, вели Јосифовски.
Првиот човек на „Макпетрол“ вели дека последните две години се едни од најнеизвесните години, но не се најтешки за Македонија, особено најмногу поради тоа што земјата во 90-те имаше две ембарга и војна во 2002 година.
Прочитај повеќе
Макпетрол АД Скопје
Макпетрол е акционерско друштво за трговија со нафта и нафтени деривати
27.06.2022
„Треба да бидеме свесни дека Македонија е енергетски сиромашна држава и најголем дел од потребите во енергетскиот сектор се увезува. Некогаш ја имавме „Окта“, ама сега ја немаме па и нафтените деривати се увезуваат. Фокусот сега треба да биде на обновливите извори на енергија, затоа што и постојните капацитети во овие 30 години, заради погрешните владини политики, беа запоставени или уништени, а многу малку се инвестираше во нови капацитети. Сега е можност да се инвестира, но кај нас има погрешно толкување за тоа што е енергија од обновливи извори, па се смета дека тоа е енергијата само од сонце и ветер, а се забораваат биогоривата кои се обновлив извор на енергија, а кои и тоа како се застапени во светки рамки. Кај нас доцниме со законската регулатива, вели Јосифовски.
Во интервјуто зборува за финансиските резултати на компанијата која е една од најдобрите во земјава. Во план се и нови инвестиции, нови видови горива, а и внесување на ЛНГ на пазарот, па и водородот.
