Две милијарди денари за над 15.000 невработени лица се предвидени со годинашниот оперативен план за активни програми и мерки за вработување и услуги на пазарот на трудот. Под мотото „Шанса за сите“, поддршката за отворање сопствен бизнис, како една од најбараните во оперативниот план, ќе опфати околу 2.000 лица.
Во оперативниот план се содржани и мерки за креирање нови работни места во микро, мали и средни претпријатија, како што се субвенции на плати и раст на правни субјекти, преку кои се планира да бидат директно вработени над 1.120 лица. Главен фокус ќе биде вработувањето на најранливите категории граѓани, долгорочно невработените млади лица, жените, Ромите.., а преку посебен фонд е предвидена и поддршка за директно вработување на 150 лица со попреченост.
Bloomberg Mercury
„Планот годинава опфаќа 15.244 крајни корисници, од кои 11.622 лица во мерките за вработување и 3.622 со услуги. Во креирањето на оперативниот план главна цел е воспоставување функционална и флексибилна платформа за имплементација на мерки и услуги, при што ќе се понуди шанса за сите. Во дефинирањето на содржините, како општо правило се настојуваше да се постигне еднаква застапеност на мажи и жени, како и учество на младите лица до 29 години од најмалку 30 проценти. Ранливите категории на невработените лица остануваат уште една од приоритетните цели на оперативниот план“, вели министерот за труд и социјална политика во техничката влада Ѓоко Велковски.
УНДП во партнерство со Агенцијата за вработување ќе реализира неколку клучни мерки и програми за вработување и зголемување на вработливоста, со фокус на ранливите категории.
„Програмата за развој на УНДП, како долгогодишен партнер на Владата и националните институции, ќе ја продолжи соработката со сите релевантни чинители преку дизајнирање иновативни механизми за поттикнување на економскиот раст и развој на приватниот сектор и обезбедување еднакви можности за сите“, вели постојаниот претставник на УНДП, Армен Григорјан.
Годинава посебен фокус ќе биде ставен на поддршката на развојот на домашните претпријатија, пред сѐ на микро, мали и средни бизниси, како и на обезбедување соодветна работна сила преку различните видови обуки во реални работни услови.
.webp){kind=icon}
Во моментов нема коментари за веста. Биди прв да коментира...