Инфлацијата во еврозоната може да забрза, но Македонија ќе има повисока стапка

Инфлацијата во еврозоната би можела повторно да се забрза и Европската централна банка (ЕЦБ) има уште доста битки за да ја достигне целта од инфлација од 2 отсто, тврди Мадис Мулер, член на Управниот совет на банаката.

„Како што видовме во првичната проценка за инфлацијата во еврозоната во мај, темпото може привремено повторно да се забрза“, им рече тој на естонските пратеници во Талин во четвртокот. „Сè уште имаме доста до целта“.

Стапка на инфлација во мај/ Bloomberg

 

ЕЦБ ги намали трошоците за задолжување минатата недела, иако не е јасно кога креаторите на политиката повторно и дополнително ќе ги намалат стапките.

„За да ја постигнеме нашата цел, каматните стапки веројатно треба уште некое време да останат над просекот“, рече тој.

ЕЦБ ги зголеми проекциите за стапката на инфлација/Bloomberg Mercury

Инаку неделава стано јасно, како што се и очекуваше дека Народна банка на Македонија нема да почне со олеснување на монетарната политика, а каматната стапка на благајничките записи и во текот на летото ќе остане на досегашното ниво од 6,3 отсто. 

Каматната стапка на благајничките записи останува на нивото од 6,30 отсто, а каматните стапки на депозитите преку ноќ и на 7 дена на нивоата од 4,20 отсто и 4,25 отсто, соодветно. 

При носењето на одлуката главен акцент бил ставен на потребата од стабилизирање на инфлацијата и инфлациските очекувања на потрајна основа.

„Инфлацијата во мај 2024 година умерено забрза и изнесува 4,5 отсто на годишно ниво, при позитивен придонес за растот како од базичната инфлација, така и од останатите компоненти“, велат од НБРМ.

 

 

Оттаму велат дека сепак, динамиката на инфлацијата во мај не отстапува од патеката на движење предвидена во рамките на пролетните проекции на Народната банка и ѝ натаму останува очекувањето дека до крајот на оваа година просечната инфлација ќе изнесува 3,5 отсто.

Со помош на Ott Tammik

Во моментов нема коментари за веста. Биди прв да коментира...

Остави коментар