Нов рекорд: Инфлацијата достигна 16 проценти

Трошоците на животот во јули 2022 година се зголемиле за 16 проценти во однос на јули 2021 година, што е ново рекордно зголемување на стапката на инфлација во земјава која што во јуни изнесуваше 14,5 проценти. Државниот завод за статистика соопшти дека цените на мало во јули бележат зголемување од 14 проценти во однос на истиот месец, минатата година. Трошоците на животот во јули 2022 година, во однос на претходниот месец се зголемиле за 1,9 проценти, а цените на мало за 2,5 проценти.

Пораст на трошоците на животот во јули 2022 година, во споредба со претходниот месец, е забележан кај лебот и житата за 4,8 проценти, сирењето и урдата за 4,5 проценти, млекото за 3,6 проценти, свежото и разладеното овошје за 2,9 проценти, виното за 2,5 проценти, месото за 1,8 проценти, шеќерот, џемот, медот, чоколадата и кондиторските производи, жестоките пијалаци за 1,1 проценти, прехранбените производи неспоменати на друго место за 1 процент, минералната вода, газираните пијалаци, соковите од овошје и зеленчук за 0,4проценти  и кафето, чајот, какаото за 0,2 проценти.

Во јули, исто така, пораст на индексите на трошоците на животот е забележан и кај воздухопловниот патнички транспорт за 36,5 проценти, туристичките аранжмани за 11,3 проценти, електричната енергија за 9,9 проценти, поправката на апаратите за домаќинствата за 8,8 проценти, услугите за сместување за 5,9 проценти...

Намалување на трошоците на животот во јули 2022 година, во споредба со претходниот месец, е забележано кај свежиот и разладениот зеленчук освен компирите и другите коренести плодови за 6,4 проценти, рибата и морските плодови за 1,8 проценти и маслото и маснотиите за 1,6 проценти.

Во моментов нема коментари за веста. Биди прв да коментира...

Остави коментар