За една година бројот на работници во индустријата се намалил за 4,7 проценти, покажуваат податоците од Државниот завод за статистика. Гледано по сектори, во декември 2024 година во однос на истиот месец 2023 година, во плус е само секторот за трајни производи за широка потрошувачка, каде што бројот на вработени се зголемил за 25,7 проценти. Сите други сектори се во минус, и тоа најголем е кај нетрајните производи за широка потрошувачка (-7,9 отсто), кај интермедијарни производи бројот на работници е намален за 6,3 отсто и кај преработувачката индустрија за пет проценти.
Прочитај повеќе
Прометот во индустријата во ноември паднал за 7,5 проценти
Најголем е падот кај преработувачката индустрија, за 8,1 отсто, а кај капиталните производи се намалил дури за 20,5 отсто.
17.01.2025
Наплив на турски инвестиции во Македонија, голем интерес за енергетиката
Вкупните директни инвестиции од Турција во Македонија изнесуваат две милијарди евра, а половина од странските работници во земјава се Турци.
31.01.2025
Просечната плата во ноември била 42.000 денари, реално пораснала за пет отсто
Просечната нето-плата во ноември е 41.999 денари и номинално е повисока за 9,5 отсто, а реално за пет отсто.
21.01.2025
Ако ги земеме предвид потсекторите во преработувачката индустрија, ќе забележиме дека поголемиот број од нив се во негатива кога станува збор за бројот на работници. Најголем пад има во секторот за производство на облека (-14,7 отсто), кај производството на тутунски производи бројот на вработени за една година се намалил за 12,7 проценти, во кожарската индустрија за 11,7 отсто, во текстилната за 8,7 отсто, кај металите за 6,7 и во прехранбената индустрија на крајот на минатата година имало за 3,2 проценти помалку работници отколку во истиот месец од 2023 година.
Тие потсектори во преработувачката индустрија, каде што се зголемил бројот на вработени, се помалобројни, а најзабележителен е растот во производството на пијалаци (+8,7 проценти), производство на фармацевтски производи и препарати (+8,2 отсто), поправка и инсталирање машини и опрема (+7,4 отсто) и машини и уреди неспоменати на друго место (+36,0 отсто).
Загрижувачко е тоа што покрај падот на бројот на вработени, се намалува и прометот во индустријата. „Блумберг Адрија“ веќе пишуваше дека прометот во индустријата во ноември паднал за 7,5 проценти.
Имено, според податоците од Државниот завод за статистика, прометот во рударството и кај трајните производи за широка потрошувачка бележи значаен пораст во ноември лани споредено со истиот месец од претходната година, и тоа за 14,3 проценти односно за 12,8 проценти. Сепак, тоа не е доволно за да го анулира големиот пад на прометот главно во преработувачката индустрија и кај капиталните производи, кој се намали за 8,1 и за дури 20,5 отсто, соодветно.
.webp){kind=icon}
Во моментов нема коментари за веста. Биди прв да коментира...