Пад на прометот во индустријата во ноември за 7,5 проценти на годишно ниво. Според податоците од Државниот завод за статистика, прометот во рударството и кај трајните производи за широка потрошувачка бележи значаен пораст во ноември лани споредено со истиот месец од претходната година, и тоа за 14,3 проценти односно за 12,8 проценти. Сепак, тоа не е доволно за да го анулира големиот пад на прометот главно во преработувачката индустрија и кај капиталните производи, кој се намали за 8,1 и за дури 20,5 отсто, соодветно.
Прочитај повеќе
Нов рекорд на цената на какаото
Фјучерсите на какаото се искачија над 12.000 долари за тон на берзата во Њујорк, достигнувајќи нов рекорд.
18.12.2024
Се намалуваат нарачките на германските фабрики, а со тоа и на македонските
Нарачките во германските фабрики во ноември опаднаа за дури 5,4 проценти, што е многу полошо од очекувањата на аналитичарите за пад од 0,2 отсто.
08.01.2025
Неочекуван пад на германското производство, нова грижа за македонските фабрики
Наместо очекуваниот раст од еден отсто, индустриското производство во Германија во октомври падна за еден отсто во однос на претходниот месец.
06.12.2024
Сите причини поради кои становите и годинава ќе поскапуваат
Годинава ќе се зголемат и цените на инженерските услуги
10.01.2025
Инфлацијата расте, на годишно ниво во декември поевтиниле само рибите
На годишно ниво цените на храната пораснале за над пет отсто
08.01.2025
Ако погледнеме подетално кај преработувачката индустрија, која е мошне значајна за македонската економија, ќе забележиме дека намалување на прометот има во повеќе клучни сектори. Прометот остварен со тутунски производи на годишно ниво се намалил за 9,5 проценти, прометот во кожарската индустрија и кај производството на основни фармацевтски производи и препарати прометот се намалил за околу 11 отсто, металската индустрија бележи пад од 16,4 проценти, а прометот кај производството на фабрикувани метални производи на годишно ниво е намален за дури 38,7 проценти. Драстичен пад од дури 29,6 проценти има и кај производството на моторни возила, приколки и полуприколки.
Позначајно зголемување на прометот во ноември 2024 година во однос на истиот месец 2023 година има кај производството на прехранбени производи (+4,8 проценти), производство на пијалаци (9,6 проценти), текстилната индустрија бележи раст од 4,4 отсто, преработката на дрво има раст од 27,3 отсто. Потоа, прометот од произведена електрична опрема е зголемен за 18,3 проценти, а прометот од произведената преостаната опрема за транспорт е удвоен.
Податоците укажуваат дека падот на прометот е речиси идентичен и на домашниот и на странските пазари.
„Индексот на прометот во индустријата на странските пазари во ноември 2024 година во однос на октомври 2024 година изнесува 93,2, додека во периодот јануари-ноември 2024 година во однос на периодот јануари-ноември 2023 година изнесува 86,3“, пишува во соопштението од Државниот завод за статистика.
.webp){kind=icon}