Состојбата на директни инвестиции во Македонија заклучно со минатата година изнесува 8,4 милијарди евра (или 55 проценти од проценетиот податок за БДП), од кои 5,7 милијарди евра се вложувања во сопственички капитал, додека 2,7 милијарди евра се вложувања во должнички инструменти, покажуваат новите податоци на Народната банка.
Анализирано по земји, највисоки директни инвестиции, во вредност од 1,3 милијарди евра се регистрирани од Австрија, по што следуваат Турција и Германија, со директни инвестиции во вредност од 875 и 874 милиони евра, соодветно. Во групата на петте најголеми странски инвеститори во земјава спаѓаат и Грција (со 869 милиони евра) и Холандија (со 734 милиони евра). На овие пет земји отпаѓаат 55,7 проценти од вкупните директни инвестиции во анализираниот период.
Анализирано по дејности на инвестирање, од вкупните директни инвестиции, 2,8 милијарди евра, или 33,2 проценти се инвестирани во дејноста „производство“, додека 1,9 милијарди евра, или 22,7 проценти во дејноста „финансиски и осигурителни активности“.
Прочитај повеќе
За половина година во Македонија странски инвестиции од 221 милиони евра
Доколку приливот странски инвестиции продолжи со ова темпо годинава ќе биде тешко да се надмине резултатот од минатата година кога земјава урна рекорд во приливот странски инвестиции кои изнесуваа 1,25 милијарди евра.
30.08.2025
Македонија урна рекорд во странските инвестиции: Прилив од 838 милиони евра за девет месеци
Доколку приливот на странски инвестиции продолжи со исто темпо голема е шансата Македонија прв пат во историјата да оствари над милијарда евра странски директни инвестиции во текот на една година.
02.12.2024
Од Народната банка објаснуваат дека состојбата претставува позиција на директните инвестиции на крајот на одреден период и вклучува податоци за сопственички капитал (со реинвестирање на добивката) и за должнички инструменти.
Во зависност од структурата на директните инвестиции, статистичкото истражување на НБРСМ за директните инвестиции во земјата опфаќа податоци за состојбата на новите, постојните и останатите инвестиции. Новите инвестиции ја прикажуваат вредноста на сопственичкиот капитал (вклучително и реинвестирањето на добивката) којашто произлегува од вложување во нови претпријатија (гринфилд-инвестиции). Постојните инвестиции ја прикажуваат вредноста на сопственичкиот капитал (вклучително и реинвестирањето на добивката) којашто произлегува од вложување во постојни претпријатија преку преземање претпријатија или спојување на претпријатија. Останатите инвестиции ја прикажуваат вредноста на сопственичкиот капитал (вклучително и реинвестирањето на добивката) којашто произлегува од основање подружници, филијали, фондации и останато.
Податоците за состојбата на директните инвестиции се вреднуваат по книговодствена вредност. Промените во состојбата помеѓу два извештајни периода произлегуваат од: трансакции, ценовни и/или курсни промени и промени во обемот.
.webp){kind=icon}
Во моментов нема коментари за веста. Биди прв да коментира...