Македонската банкарска асоцијација (МБА) информира дека согласно Законот за платежни услуги и платни системи од 1 март 2026 година започнува примената на засилена автентикација на корисниците (Strong Customer Authentication – SCA) при извршување одредени платежни трансакции.
Засилената автентикација ќе се применува кај платежни трансакции иницирани на далечина, и тоа кај плаќања со платежни картички при електронска трговија, како и кај кредитни трансфери иницирани преку интернет-банкарство или мобилни апликации на банките.
„Воведувањето на засилената автентикација има за цел подигнување на нивото на безбедност на електронските плаќања, намалување на ризикот од неовластени трансакции и подобра заштита на корисниците на платежни услуги, при што електронските и дигиталните плаќања ќе продолжат да се извршуваат непречено, со дополнителен безбедносен чекор“, наведуваат од МБА.
Прочитај повеќе
Вештачката интелигенција и логистиката го менуваат лицето на е-трговијата во регионот
Секторот за е-трговија ќе сочинува речиси 21 проценти од вкупната малопродажба во Европа. Силна експанзија е присутна и во земјите од регионот Адрија, каде што повеќе од половина од нарачките често доаѓаат преку паметни телефони.
01.10.2025
Од денеска услугата „Епл пеј“ е достапна преку картичките на НЛБ
НЛБ е првата банка што стана дел од мрежата на „Епл пеј“, овозможувајќи со тоа активација на македонските платежни картички издадени од оваа банка во електронскиот паричник на „Епл“.
29.07.2025
Е-трговијата расте, но доставата не: Зошто - ги прашавме „логистичарите“
Доставата и логистиката остануваат најголемите предизвици за е-трговците, според најновиот извештај за е-трговијата во Западен Балкан.
16.01.2025
„Амазон“, „Алиекспрес“ и „Тему“ ја живнаа курирската услуга во Македонија
Вкупниот промет со услуги во третото тримесечје годинава бележи раст од 1,4 проценти на годишно ниво, а најзначаен е растот на поштенски и курирски услуги од 20,5 отсто.
13.12.2024
Македонскиот е-купувач прави зделки до 50 евра и најчесто купува облека
Македонскиот е-купувач е сличен на балканскиот, добро е поврзан со интернет, но главно го користи за социјални медиуми, телефонирање, видеоповици...
12.11.2024
Засилената автентикација се заснова на користење на најмалку два од следните три меѓусебно независни елементи: елемент на знаење – нешто што го знае корисникот (на пример лозинка или ПИН), елемент на поседување – нешто што го поседува корисникот (на пример мобилен уред, токен или платежна картичка) и елемент на својство – нешто што е својствено за корисникот (биометриски податоци, како отпечаток од прст или препознавање лице).
Во таа насока, досегашните начини на потврда на трансакции, како што се еднократни кодови доставени преку СМС или електронска пошта, кои се користат во рамки на постојните решенија, ќе бидат заменети или надградени со посовремени и побезбедни механизми, во согласност со барањата на засилената автентикација.
„Секоја банка, согласно законската рамка и сопствените технички и организациски можности, самостојно ќе го дефинира моделот на засилена автентикација, односно комбинацијата на елементи што ќе ги применува, поради што начинот на автентикација и корисничкото искуство може да се разликуваат од банка до банка“, информираат од МБА.
Во рамки на процесот на воведување на засилената автентикација, банките ќе пристапат кон информирање и едукација на своите клиенти за применуваните решенија, постапките за автентикација и практичните чекори при извршување на платежни трансакции, преку сопствените комуникациски канали.
„Примената на засилената автентикација претставува значаен чекор во усогласувањето на платниот систем со европската регулаторна рамка, придонесувајќи кон зголемена сигурност, доверба и заштита на корисниците при користење на современите електронски платежни услуги“, соопшти МБА.
.webp){kind=icon}
