.webp){kind=icon}
Американските регулатори воведоа забрана за електронска опрема од „Хуавеј“ (Huawei Technologies Co.) и „ЗТЕ“ (ZTE Corp.), продолжувајќи со повеќегодишниот напор да го ограничат пристапот на кинеските телекомуникациски компании во американските мрежи.
Федералната комисија за комуникации, во денешната наредба ги именуваше и производителите на камери Hangzhou Hikvision Digital Technology Co. и Dahua Technology Co., како и производителот на двонасочни радија Hytera Communications Corp.
„ФЦЦ е посветена на заштитата на нашата национална безбедност со тоа што ќе осигури дека неавторизирана комуникациска опрема нема да се употребува во нашите граници и ние продолжуваме со тоа“, рече претседателката Џесика Розенворсел во соопштението за печатот.
Таа додаде дека новите правила се важен дел од тековните активности за заштита на американскиот народ од закани за националната безбедност кои вклучуваат телекомуникации.
Во гласањето 4-0, ФЦЦ заклучи дека производите претставуваат ризик за безбедноста на податоците. Минатите напори за ограничување на кинескиот пристап вклучуваат контрола на извозот за да се прекине клучната, софистицирана опрема и софтвер. Неодамна американските власти ги разгледаа ограничувањата за „Тик Ток“ (TikTok) поради стравувањата дека кинеските власти би можеле да пристапат до податоците на американските корисници преку апликацијата за споделување видео.
Во 2018 година, Конгресот гласаше да ги спречи федералните агенции да купуваат опрема од петте компании именувани од FCC. Агенцијата претходно соопшти дека компаниите не се подобни да добиваат федерални субвенции, а исто така им забрани на кинеските телефонски компании да работат во САД.
