„Голдман“ ги зголеми шансите за рецесија во САД поради банкарската криза

„Голдман Сакс“ (Goldman Sachs Group Inc.) ја зголеми својата процена за шансите за американска рецесија на 35 отсто во следните 12 месеци, како одговор на зголемената неизвесност за економското влијание на притисоците врз банкарскиот сектор.

Економистите предводени од Јан Хациус ја подигнаа процената на „Голдман“ за изгледите за пад во однос на претходната процена од еден спрема четири по колапсот на банката „Силикон валеј“ (СВБ). Новата процена сè уште е под просечната од 60 отсто меѓу економистите анкетирани од „Блумберг“.

„Показателите на ’Голдман’ за раст на активноста остануваат позитивни, а нивните февруарски следења на деловните истражувања во просек биле на благо експанзивни 52, додека линијата за поделба е на 50“, посочи Хациус во истражувачката белешка.

Процената на „Голдман“ за податоците за работните места во реално време сугерира дека стапката на отпуштања е малку зголемена, иако и натаму е ниска, на 1,2 отсто, додека јазот меѓу работните места и работниците остана над нивото од 2 милиони, кое економистите проценуваат дека е неопходно за „ребалансирање на пазарот на трудот“.

Индекс на „Блумберг“ за финансиските услови Bloomberg

Глобалните инвеститори станаа исклучително чувствителни на потенцијалот за системски финансиски стрес, бидејќи стравувањата дополнително ескалираа поради кризата со доверба во швајцарската „Кредит Суис“ (Credit Suisse Group AG). Како одговор, трговците со свопови ги зголемија очекувањата за намалување на стапката од страна на Федералните резерви (ФЕД).

Во моментов нема коментари за веста. Биди прв да коментира...

Остави коментар