.webp){kind=icon}
САД собираат понуди за до три милиони барели сурова нафта, за да ги дополнат своите исцрпени стратегиски нафтени резерви.
Испораките за зголемување на итните владини резерви се планирани за август, а цените ќе бидат објавени во јуни, соопшти Министерството за енергетика во понеделникот. Ова е втор обид за дополнување на стратегиските резерви на нафта по ослободувањето на повеќе од 200 милиони барели минатата година, делумно за да се ограничат високите цени за енергија.
Објавата ја зголеми цената на фјучерсите на американската нафта за 0,5 отсто, на повеќе од 71 долар за барел.
Прочитајте повеќе на: Нафтата поскапува бидејќи САД ги полнат своите резерви
Трговците со нафта внимателно следеа за какви било индикации дека владата ќе почне да ги дополнува резервите, имајќи предвид дека нејзините набавки ќе го затегнат пазарот. Сортите на сурова нафта што ги бара Министерството за енергетика се многу барани, бидејќи ОПЕК + го намалува производството. Секое дополнително повлекување на домашните барели може да ги зголеми цените на нафтата, а потенцијално и цените на бензинот.
Одделот за енергетика соопшти дека планира да „откупи сурова нафта по пониска цена од просечната, од околу 95 долари за барел, по колку што беше продадена во 2022 година, истовремено зајакнувајќи ја енергетската безбедност преку обезбедување сигурност за индустријата на начин што помага во зајакнувањето на краткорочното снабдување“. Одделот додаде дека понатаму годинава планира да купи уште повеќе нафта.
Администрацијата на Бајден минатата есен соопшти дека целта е да се дополнат резервите кога цените ќе бидат на или под 67-72 долари за барел.
Претходниот обид за дополнување на резервите со купување три милиони барели беше откажан, бидејќи добиените понуди беа или прескапи или не ги исполнуваа другите спецификации.
Покрај директните набавки, Министерството соопшти дека дел од неговата стратегија за дополнување на резервите вклучува враќање на нафтата од претходните размени и избегнување „непотребни продажби што не се поврзани со прекини во снабдувањето“. Минатата година Министерството успешно ја откажа продажбата на околу 140 милиони барели нафта одредена од Конгресот.
Резервите моментално содржат речиси 360 милиони барели нафта, околу половина од вкупниот капацитет, според американското министерство за енергетика.
Џенифер М. Гранхолм од Министерството посочи дека сакаат да ги дополнат резервите на нафта, а тоа доаѓа во време на критики од републиканците, кои ја обвинуваат Белата куќа дека користела итни резерви за да се бори против скокот на цената на нафтата пред минатогодишните средмандатни избори.
