.webp){kind=icon}
Глобалните цени на основните прехранбени производи пораснаа во јули. Најголемо влијание имаа прекинот на црноморската иницијатива за житни култури и новите трговски ограничувања за оризот, објави денеска Организацијата за храна и земјоделство на Обединетите нации (ФАО). Цените на храната пораснале за 1,3 отсто. На месечно ниво цените на храната се зголемуваат, но на годишно ниво се пониски за 11,8 отсто. Порастот на цените е поттикнат од растот на растителните масла. „Меѓународните цени на сончогледовото масло се зголемија за повеќе од 15 отсто месецов, главно поради обновената неизвесност во однос на извозот по одлуката на Руската Федерација да ја прекине имплементацијата на црноморската иницијатива за житни култури“, се наведува во извештајот. Индексот на ФАО за цените на житарките падна 0,5 отсто во однос на јуни. Падот на овој индекс е предизвикан од значителниот пад на меѓународните цени на крупните житарки поради зголемената сезонска понуда на пченка, поради континуираната жетва во Аргентина и Бразил и потенцијално поголемото производство од очекуваното во Соединетите Американски Држави.
Bloomberg Mercury
„Сепак, меѓународните цени на пченицата се зголемија за 1,6 отсто, што е прво месечно зголемување во последните девет месеци, поради неизвесноста во однос на извозот од Украина, како и континуираните сушни услови во Северна Америка“, се наведува во извештајот. Индексот на ФАО за цените на оризот се зголеми за 2,8 отсто месечно и 19,7 отсто на годишно ниво, достигнувајќи го највисокото ниво од септември 2011 година. Забраната за извоз на индиски сорти ориз воведена на 20 јули ги зголеми цените. Овој нагорен притисок врз цените на оризот „предизвикува значителна загриженост за голем дел од светското население, особено за најсиромашните, кои трошат најголем дел од својот приход на храна“, предупредува ФАО.
Bloomberg Mercury
Поевтинија шеќерот, млечните производи и месото
Индексот на ФАО за цените на млечните производи падна за 0,4 отсто во јули, што е за 20,6 отсто под вредноста од јули 2022 година. Светските цени на сирењето малку закрепнаа по остриот неодамнешен пад, бидејќи топлото време влијаеше на сезонскиот пад на резервите на млеко во Европа. Индексот на ФАО за цените на месото е намален за 0,3 отсто во однос на јуни. „Квотите за говедско и овчо месо и за живина паднаа поради солидната достапност на понудата и во некои случаи намалената побарувачка од водечките увозници“, додаваат тие. Цените на свинското месо, од друга страна, се зголемија како одраз на високата сезонска побарувачка заедно со тесните резерви од Западна Европа и САД.
