Федералните резерви на САД (Фед) одлучија да не ја променат стапката на референтната камата и да ја задржат во опсег од 5,25 до 5,5 отсто, одлука што се очекуваше. Ова е највисоко ниво на основната камата во САД во последните 22 години, но на денешниот состанок сите членови на Федералниот комитет за отворен пазар едногласно одлучија да паузираат во промените на стапката.
Сепак, според објавените проекции, годинава би требало да има барем уште едно зголемување на каматната стапка, со промена на очекувањата за каматите во 2024 и 2025 година, чии максимално очекувани вредности се зголемени за половина процентен поен, сигнал дека Фед очекува каматите да останат високи подолго.
Дванаесет од 19 економисти што ја креираат монетарната политика во Федералниот комитет за отворен пазар, главното тело на Фед за монетарна политика (од англиски: FOMC- Federal open market commitee), тврдат дека едно зголемување до крајот на годината би било соодветно, преостанатите седуммина сметаат дека стапките треба да се задржат стабилни.
Прочитај повеќе
Аналитичари на ББА: Фед ќе ја задржи каматата на исто ниво
Со исклучок на каматната политика, Фед дејствува преку каналот на намалување на вишокот ликвидност во системот.
20.09.2023
Светот се прилагодува на редоследот на Фед за каматните стапки
Следната недела монетарната политика ќе биде одредена на клучните состаноци на половина од Г-20
17.09.2023
Економисти: Фед заврши со зголемувањето на стапките, ќе ги намали во 2024 година
Економскиот раст ќе забави до стапка под еден процент годишно во следните три квартали.
16.09.2023
Базичната инфлација во САД забрза и отвори простор за нови потези од Фед
Таканаречениот основен индекс на потрошувачки цени, кој ги исклучува трошоците за храна и енергија, напредуваше за 0,3 отсто од јули.
14.09.2023
Фед: Се гледа крајот на зголемувањето на каматните стапки
Некои од функционерите на Фед навестуваат крај на зголемувањето на каматните стапки до крајот на оваа година.
25.08.2023
Доларот е на пат кон највисоката вредност во три месеци
Индексот на доларот на „Блумберг“ се искачи за дури 0,2 отсто
25.08.2023
Џером Пауел, претседател на Фед, на прес-конференцијата по состанокот изјави дека банката сега е „во позиција да продолжи внимателно“ во откривањето дали да продолжи да ги зголемува стапките. Тој рече дека централната банка „ќе продолжи внимателно“ на патеката кон целната инфлација.
Bloomberg
Просечната проекција за економскиот раст во 2023 година е зголемена на 2,1 отсто од 1 отсто, колку што се предвидуваше во јуни. По денешниот состанок, јасно е дека значително се намалуваат прогнозите за невработеноста и сега Фед очекува стапката на невработеност да достигне врв од 4,1 отсто наместо првично проектираните 4,5 отсто.
Инаку, официјалните лица на Федералните резерви предвидуваат дека инфлацијата ќе падне под 3 отсто следната година и ќе се врати на целта од 2 отсто во 2026 година.
„Денешното задржување на стапката беше очекувано, но проекциите за растот имаат голема нагорна ревизија за 2024 и 2025 година. Фед целосно ја отфрли прогнозата за рецесија за оваа година. Сметаме дека годинава стапките ќе останат стабилни, но за разлика од Фед, сè уште очекуваме стапката на невработеност да се зголеми над 3,8 отсто оваа година“, вели Ана Вонг од „Блумберг економикс“.
.webp){kind=icon}
