Федералните резерви на Соединетите Американски Држави завршија со зголемувањето на каматните стапки и веројатно ќе ги намалат за околу еден процент следната година, според главните економисти на некои од најголемите банки во Северна Америка. Иако САД веројатно ќе избегнат рецесија, се чини дека економскиот раст значително ќе забави во наредните квартали, поттикнувајќи го зголемувањето на невработеноста додека ја намалува инфлацијата, според најновата прогноза на Економскиот советодавен комитет на Американската асоцијација на банкари (АБА).
„Со оглед на покажаниот и очекуван развој на инфлацијата, повеќето членови на одборот веруваат дека циклусот на затегнување на монетарната политика на Фед е завршен“, рече Симона Мокута, претседателка на 14-члената комисија и главна економистка во „Стејт стрит глобал адвајсорс“ (State Street Global Advisors). Американската централна банка се очекува да ги задржи каматните стапки на сегашното ниво на состанокот следната недела, иако инвеститорите се поделени околу тоа дали ќе има дополнителни зголемувања на стапките до крајот на годината. Советодавниот комитет на АБА вклучува економисти од повеќе банки. Прогнозите на комитетот редовно им се презентираат на претседателот на Фед, Џером Пауел, и на неговите колеги, членови на одборот на централната банка во Вашингтон.
Bloomberg
Комитетот предвидува дека економскиот раст ќе забави до стапка под еден процент годишно во следните три квартали како одговор на претходните зголемувања на каматните стапки на Фед и заострувањето на условите за кредитирање, според нивната просечна прогноза.
Се предвидува дека невработеноста ќе порасне на 4,4 отсто до крајот на следната година од 3,8 отсто во август, а инфлацијата на потрошувачките цени ќе се забави на 2,2 отсто од 3,2 отсто во јули.
„Консензусот на комитетот е дека шансите за меко слетување драстично се подобрија во блиска иднина“, им рече Мокута на новинарите преку Зум. „Но, во исто време, остануваат многу грижи за тоа колку е одржлива извонредната отпорност што ја покажа економијата досега“.
.webp){kind=icon}
Во моментов нема коментари за веста. Биди прв да коментира...