.webp){kind=icon}
Кинеската економија покажа знаци на посилно закрепнување во септември, покажуваат податоците на фирмата што ја анализира глобалната економија користејќи сателитски податоци.
Активноста околу кинеските трговски центри остана на релативно високо ниво во септември, по порастот во август, заклучиле од „Спејс ноу“ (SpaceKnow), американска компанија што анализира сателитски снимки. Растот на производството на цемент што започна во јуни исто така се одржа и во текот на овој месец, покажуваат податоците.
„Ние сме во тимот што верува во рани знаци на закрепнување“, рече Јан Пинтера, економист во „Спејс ноу“.Тој вели дека сателитските снимки покажуваат „позитивна насока за кинескиот градежен сектор“ и „обновена доверба на потрошувачите“.
Компанијата исто така составува нова референтна вредност за предвидување на нарачките, која комбинира неколку индикатори за активност добиени од сателитски снимки за да создаде прогноза за нарачките во официјалниот индекс PMI (од англиски: manufacturing Purchasing Managers' Index што е економски индикатор дизајниран за обезбеди увид во промените на условите за водење бизнис во производствениот сектор) за набавки во производството во Кина. Индексот се искачи на 51 во средината на септември, што е за три поени повеќе од нивото еден месец претходно, објавува „Спејс ноу“.
Bloomberg
„Сепак, најновите податоци на „Спејс ноу“ за производството на цемент покажуваат ниска активност во споредба со 2021 година“, додаде Пинтера, сугерирајќи дека долгогодишниот пад на пазарот на недвижности му создава проблеми на градежништвото. Активноста околу трговските центри исто така го забележа својот врв на дневно ниво на крајот на август и оттогаш малку ослабна.
Останува прашањето дали може да се одржи овој раст што е забележан во официјалните податоци за август, со оглед на тековната слабост во секторот за недвижности.
Индексот на „Морнинг консалт“ за расположението на кинеските потрошувачи во септември ги задржа поголемиот дел од добивките од претходниот месец, но сега малку ослабна.
Други показатели сугерираат дека кинеската економија доби замав во последните недели. Индексот на раст на продажбата во целиот сектор на „Ворлд економикс“ за Кина се зголеми на 53,1 во септември, што е највисоко ниво во последните шест месеци.
Bloomberg
Врз основа на тие показатели, како и на сезонските фактори, економистот на „Голдман Сакс“ (Goldman Sachs Group Inc) Хуи Шан предвидува дека кинескиот производствен индекс PMI ќе се зголеми на 50,2 во септември од 49,7 во август.
Тоа би било првото читање над 50, што значи раст на производството. Податоците за PMI треба да бидат објавени в сабота.
Bloomberg
„Гледајќи напред, очекуваме закрепнувањето да продолжи благодарение на некои ветрови во грбот: неодамнешната промена во фискалниот став, стабилизацијата на извозот и ставот на политиката за имотите“, напиша Лари Ху, главен економист на „Меквари груп“ (Macquarie Group Ltd.).
