.webp){kind=icon}
Холандија ја врати титулата за земја со најдобар пензиски систем во светот, според годишниот светски индекс, кој предупредува дека пензиските системи ширум светот се под притисок како никогаш досега.
На второто место се најде Исланд, кој минатата година го држеше приматот, а на третото е Данска. Израел е единствената земја покрај нив што доби оценка А во Глобалниот пензиски индекс на Институтот „Мерсер“ (Mercer CFA), кој ги оценува системите врз основа на нивната адекватност, одржливост и интегритет.
Холандија во моментов ја реформира својата пензиска програма од колективна структура на поиндивидуален пристап. И покрај ова, во извештајот се вели дека системот ќе продолжи да нуди придобивки по промената, поддржан од силната база на средства и добрата регулатива.
Сепак, пензиските системи во повеќето земји се под притисок на стареењето на населението, зголемениот национален долг и високата инфлација, а истовремено се борат со предизвици како што е вклучувањето на нетрадиционалните видови на работа во економијата.
Bloomberg
„Заклучокот е дека луѓето ширум светот треба да почнат да се грижат за себе во пензија“, рече во интервју Дејвид Нокс, постар партнер во „Мерсер“ и главен автор на извештајот. „Не можеме повеќе да се потпираме само на социјалното осигурување или државните пензии“.
Аргентина е најниско рангирана од 47-те испитани земји, додека САД се рангирани на 22-то место - две места подолу од минатата година. Австралија е петта, Велика Британија е 10-та, Јапонија е 30-та, а Кина е 35-та.
Гневот расте поради сè подолгиот пат до пензионирањето
Падот на наталитетот изврши долгорочен притисок врз неколку економии и пензиски системи, се вели во извештајот, негативно влијаејќи на резултатите во одржливоста за земји како Италија и Шпанија. Извештајот, исто така, издвои неколку азиски системи, вклучувајќи ги Кина, Кореја, Сингапур и Јапонија, за кои се вели дека презеле реформи за да ги подобрат своите перформанси во изминатите пет години.
Вештачката интелигенција може да ги подобри пензиските системи со тоа што ќе доведе до поефикасно и подобро информирано одлучување, што може да придонесе за повисоки реални приходи од инвестиции, рече Нокс, додавајќи дека технологијата може да им помогне и на поединците да донесуваат долгорочни финансиски одлуки.
