ББА-анализа: Прво доказ дека инфлацијата е зауздена, па Фед ќе ги намали стапките

Не очекуваме да дојде до промена во опсегот на каматните стапки на Фед (Федералните резерви на САД) на претстојната седница, имајќи ги предвид претходните сигнали што доаѓаа од официјалните лица, кои се многу внимателни за моментот прифатлив за намалување на стапките, како и за најновите податоци за инфлацијата и пазарот на работната сила.

Најновите податоци за инфлацијата (CPI, 3,2 отсто во февруари, што е на ниво на просекот во четвртиот квартал од 2023 и нешто над јануарските од 3,1 отсто) ја отежнуваат задачата на Фед, бидејќи беа изненадувачки и покажаа мало забрзување, но и во структурата самата инфлација покажа постојани инфлациски притисоци во сегментот услуги (5 отсто на годишно ниво во февруари). Меѓутоа, и продажните цени неочекувано пораснаа во февруари (1,6 отсто на годишно ниво, по 1 процент во јануари, колкав што беше растот и во четвртиот квартал од 2023 година), што само докажува дека и инфлацијата во доменот на стоки не е во сенка.

Bloomberg

Силниот пазар на трудот не му оди во прилог на Фед (бројот на отворени работни места над нивото пред пандемијата, барањата за невработеност под очекувањата, стапката на невработеност беше ниска на 3,9 отсто во февруари) и многу ќе зависи од тоа каква ќе биде динамиката во следните неколку месеци, бидејќи Фед е исто така во режим „управуван од податоци“, како и ЕЦБ.

Единственото нешто што оди во корист на Фед се чини дека се податоците за малопродажбата, кои се под очекувањата (0,6 проценти во февруари, што не го надополнува падот од 1,1 отсто во јануари 2024 година). Растот во февруари беше во голема мера поттикнат од трговијата со автомобили (продажбата без трговија со автомобили порасна за само 0,3 проценти на годишно ниво во февруари), додека податоците за доцнењата по минусите на кредитните картички покажаа пораст, што укажува дека и покрај силниот пазар на трудот, инфлацискиот бран и високите каматни стапки влијаат и на потрошувачката. Чувствителноста на потрошувачката на порастот на цените ќе ја намали можноста трошоците да се прелеат на крајните цени, што ќе ги намали инфлаторните притисоци.

Bloomberg

Очекуваме Фед да започне циклус на намалување на каматните стапки дури во јули, бидејќи наративот е во насока дека не се брза со намалувањето, а податоците за инфлацијата, како што гледаме, повремено изненадуваат и потврдуваат дека последната милја е навистина предизвикувачка, што оневозможува Фед да добие доволно докази дека инфлацијата е зауздена.

 

Во моментов нема коментари за веста. Биди прв да коментира...

Остави коментар