.webp){kind=icon}
Американското министерство за транспорт ќе издвои 60 милиони долари за итна работа по овонеделното уривање на мостот во Балтимор.
Средствата ќе ѝ овозможат на државната администрација во Мериленд да започне со работа на итни поправки, проектирање и реконструкција на мостот, се наведува во соопштението на Министерството. Дополнителни средства ќе бидат обезбедени подоцна, додаваат оттаму.
„Средствата за итни случаи што ги издвојуваме денес ќе му помогнат на Мериленд да започне итна работа, проследено со дополнителни ресурси, како што напредуваат работите за реконструкција и реставрација“, наведе во соопштението секретарот за транспорт Пит Бутигиг.
Прочитај повеќе
Балтимор: Околу 2.400 пристанишни работници ќе останат без работа
Првата и основна мисла е како да се стават на платен список, велат синдикалците
28.03.2024
Бродот што удри во мост имал несреќи и претходно
„Дали“ удри во камен ѕид во пристаништето Антверпен во 2016 година
27.03.2024
Уривањето на мостот не е терористички акт, Мериленд прогласи вонредна состојба
Нема докази дека ударот oд бродот што го предизвика уривањето на мостот „Френсис Скот Ки“ бил намерен, соопшти полицијата во Балтимор.
26.03.2024
Товарниот брод под знамето на Сингапур, кој превезувал околу 4.700 контејнери, удри во мостот на 26 март, откако настанал дефект на моторот. Судирот ја урна целата структура, загинаа шест лица и затвори едно од најфреквентните пристаништа на источниот брег на САД. Несреќата ја истражува Националниот одбор за безбедност на транспортот.
Телата на четири од шесте лица за кои се претпоставува дека се мртви сè уште не се пронајдени. Без разлика на тоа, властите ја прекинуваат потрагата и започнуваат со расчистување за да може бродот да се отстрани од каналот, а пристаништето повторно да профункционира.
Beta/AP
Инженерскиот корпус на армијата ќе го донесе најголемиот кран на источниот брег на САД, изјави гувернерот на Мериленд, Вес Мур.
Целосна блокада
„Чистењето на каналот е неопходен чекор кон реконструкција“, рече Мур на брифингот. Бродот е во вода, но „целосно блокиран од паднатата структура на мостот, бетонот и арматурата“, изјави Роланд Батлер Јуниор, началник на државната полиција на Мериленд.
Американскиот претседател Џо Бајден изјави дека сака федералната влада да плати за реконструкцијата на мостот.
Федералните власти им рекоа на пратениците во Мериленд дека новиот мост, долг 1,6 милја, ќе чини најмалку две милијарди долари, вклучувајќи ги и уривањето и отстранувањето на ѓубрето, изјави извор на „Блумберг“ запознаен со плановите.
