Работниците во Сингапур почнувајќи од 1 декември годинава можат да бараат четиридневни работни недели, повеќе денови за работа од дома и флексибилно работно време, што е согласно глобалниот тренд владите и компаниите да ги релаксираат канцелариските аранжмани за да ги задржат талентите.
Новото упатство беше објавено денеска од страна на Трипартитната алијанса за фер и прогресивни практики за вработување, агенција формирана од Министерството за работна сила, Националниот конгрес на синдикатите и Националната федерација на работодавачи во Сингапур. Вработените, исто така, ќе имаат право да бараат други аранжмани како што се флексибилни работни локации до крајот на оваа година.
„Пристапот до флексибилни работни аранжмани често е главната грижа за старателите, работничките и постарите работници кога станува збор за одлучување да останат или да се вратат на работа“, рече Јео Ван Линг, копретседавач на Трипартитната работна група.
Прочитај повеќе
Со укинувањето на флексибилната работа лондонските компании губат жени
Укинувањето на флексибилните работни практики е штетно за напорите за подобрување на родовата еднаквост во Лондон.
22.10.2023
Над една третина од работните маси ширум светот се празни цела недела
Повеќе од една третина од масите во канцелариите ширум светот се празни во текот на целата недела, покажува ново истражување.
26.08.2023
„Амазон“ почна да ги опоменува работниците што работат оддома
Компанијата ќе преземе мерки за оние работници во САД што ги игнорирале упатствата за враќање во канцеларија.
14.08.2023
Работата од дома ќе избрише 800 милијарда долари од пазарот на деловни простории
Деловните простори остануваат празни во најголемите градови на бизниот, трендот се очекува да продолжи бидејќи многу компании ќе го намалат својот канцелариски простор кога ќе им истечат долгорочните закупи
13.07.2023
„Блекрок“ ги враќа вработените во канцеларија најмалку четири дена неделно
Новата политика ќе стапи во сила на 11 септември, со флексибилност да се работи оддома еден ден во неделата.
16.05.2023
Иако упатството не е законски обврзувачко, тоа бара од сите фирми во Сингапур да постават процес за вработените да поднесат формално барање за флексибилен работен аранжман. Работодавците можат да го одбијат барањето со образложение дека тоа би резултирало со значително влошување на продуктивноста, значително зголемување на трошоците или затоа што тоа не е изводливо со оглед на природата на работата.
Сепак, компаниите не можат да одбијат барање врз основа на тоа дека тоа е спротивно на традициите на фирмата или менаџментот едноставно не верува во такви флексибилни стилови на работа.
Потегот на Сингапур е во корелација со другите земји, вклучувајќи ги Ирска и Велика Британија, каде владите бараат од бизнисите да ги разгледаат барањата за флексибилна работа.
Додека работата од дома стана главен столб за време на пандемијата, практиката е во опаѓање бидејќи светот се опоравува од ковид и работодавците, внимавајќи на скапите недвижнини што седат празни, бараат персоналот да се врати во канцеларијата. Но, задржувањето на пофлексибилни аранжмани може да биде добро за бизнисот, при што оние кои им даваат на вработените слобода да изберат како и каде работат докажано привлекуваат таленти со поголема брзина и генерираат повеќе приходи.
.webp){kind=icon}
Во моментов нема коментари за веста. Биди прв да коментира...