.webp){kind=icon}
Американската министерка за финансии, Џенет Јелен, се вклучи во расправата на Конгресот на САД во врска со предложената легислатива за економија и клима, тврдејќи дека нема да ги зголеми даноците за семејствата кои заработуваат помалку од 400.000 долари годишно.
„Оваа легислатива или ќе ги намали или нема да има никакво влиание на даноците на семејствата кои имаат помалу приходи од 400.000 долари“, напиша таа денеска во писмото до претседателката на Конгресот, Ненси Пелоси во кое Bloomberg News имаше увид. „Всушност, даноците за чиста енергија и проширените даноци ќе ги намалат даноците за милиони Америкаци“.
Јелен и пиша на Пелоси откако Заедничкиот одбор за даночење при Конгресот откри дека на некои домаќинства со средни или ниски приходи ќе им бидат наметнати дополнителни даноци идната година според новиот закон, кој беше претставен минатата недела.
Прагот на приходи од 400.000 долари е клучен за Белата Куќа, со оглед на тоа дека претседателот Бајден во текот на предизборната кампања вети дека нема да ги зголемува даноците за домаќинствата кои заработуваат под таа сума.
Додека демократите разговараат за проценките, републиканците се противат на законот.
Во писмото Јелен не одговара на анализата на Заедничкиот одбор. Наместо тоа, се осврнува на главните компоненти на законот и вели дека „даночните измени ќе влијаат на големите корпорации и инвестициски експерти кои заработуваат над 400.000 долари годишно“.
