Американскиот претседател Доналд Трамп рече дека Индија ќе биде погодена од дел од царините што ќе стапат во сила на 2 април и покрај тоа што официјалните лица во Њу Делхи брзаат да го смират Вашингтон за да ги намали трговските бариери.
„Индија е една од државите со највисоки царини во светот“, наведе Трамп во средата во интервју за конзервативниот медиум „Брајтбарт њуз“ (Breitbart News). „Верувам дека тие веројатно ќе ги намалат значително тие тарифи, но на 2 април ние ќе им ги наплатиме истите тарифи што ни ги наплаќаат“, рече Трамп.
Додека американскиот претседател повеќепати укажуваше дека јужноазиската нација нема да биде поштедена на 2 април, индиските власти изразија пооптимистички тон. Пијуш Гојал, министерот за трговија на земјата, ги посети САД во текот на месецов и рече дека имал „напредна дискусија“ со претставници на Трамп за трговскиот договор што двете страни се надеваат да го потпишат до есен.
Прочитај повеќе
Трамп смета дека Фед треба да ги намали каматите додека расте притисокот од царините
„МНОГУ ќе биде подобро Фед да ги НАМАЛИ СТАПКИТЕ бидејќи американските царини почнуваат да го трасираат (олеснуваат!) нивниот пат во економијата“, наведе Трамп во објава на социјалните мрежи.
20.03.2025
Трамп најавува дека и реципрочните и секторските тарифи ќе стапат на 2 април
Претседателот Доналд Трамп рече дека ќе воведе широки реципрочни царини и дополнителни специфични секторски царини, почнувајќи од 2 април.
17.03.2025
Трговска војна: Се отвора Пандорината кутија, Македонија ќе биде колатерална жртва
Од земјава кон САД лани се извезени стоки во вредност од над 118 милиони евра.
17.03.2025
Можно ли е Кина да остане отпорна на трговската војна?
Кинеската економија веројатно покажа стабилност во првите два месеца од годината и покрај тоа што американскиот претседател Доналд Трамп започна втора трговска војна со Пекинг.
14.03.2025
Индија во последните недели ги намали давачките за увоз на бурбон и мотоцикли од висока класа, а исто така се согласи да купи повеќе енергија и оружје од САД. Официјални лица во Њу Делхи разговараа за намалување на давачките и за низа други производи, вклучувајќи и автомобили, некои земјоделски производи и хемикалии, објави „Блумберг њуз“ (Bloomberg News).
Јужноазиската нација се потпира и на пријателските врски што премиерот Нарендра Моди и Трамп ги негуваа со текот на годините. Индискиот премиер беше меѓу првите странски лидери што го посетија Трамп по неговото враќање во Белата куќа, а во неодамнешно интервју искажа пофалби за американскиот претседател.
Во интервјуто за „Брајтбарт њуз“, Трамп рече дека има „многу добри односи“ со Индија, но го нагласи неговиот „проблем“ со царинската структура на земјата.
.webp){kind=icon}
