Трговските ланци маркети во Австралија ќе се соочат со големи казни за зголемување на цените или нудење лажни попусти според предложените владини реформи.
Премиерот Ентони Албанес, кој се соочува со избори во мај, фокусиран на притисоците врз трошоците за живот има за цел да воведе законодавство за забрана на нереално превисоките цени и зајакнување на заштитата на потрошувачите.
Австралискиот регулатор за заштита на пазарната конкуренција на почетокот на овој месец ја критикуваше „олигополистичката пазарна структура“ во секторот за трговија со намирници во земјата. Регулаторот тогаш рече дека двата најголеми синџири на супермаркети, „Вулвортс“ (Woolworths Group Ltd.) и „Колс“ (Coles Group Ltd.) - кои контролираат околу две третини од продажбата - немаат доволно поттик да се натпреваруваат.
Прочитај повеќе

Пазарна на терен: Констатирани неправилности и најавени казни и затварање маркети
Тимовите на Пазарниот инспекторат констатирале повеќе неправилности при контролите во маркетите кај трговците на мало, а може да има и казни со затворање маркети
01.03.2025

Инфлацијата не стивнува - и покрај мерките, трговците уште работат со енормни маржи
Инфлацијата во февруари изнесува пет отсто, непрестајно расте од август 2024 година.
07.03.2025

Маркетите ќе мора да ги објавуваат цените на интернет
Трговците ќе мора да ги означуваат и да ги објавуваат продажната и единичната цена за стоките, на недвосмислен, видлив, читлив и јасен начин.
25.02.2025

Бојкот, ограничени маржи, обвинувања: Цените пак високи
Владата најави дека ќе ги замрзне маржите на 10 отсто за сто групи производи, но под притисок на трговците во последен момент ја одложи одлуката
14.02.2025
„Тие се набљудувани, тие знаат дека владата е подготвена да преземе силна акција и да се спротивстави“, изјави Албанес за телевизијата „Аустралиан бродкастинг“ (Australian Broadcasting Corp.) „Ако ги ограбуваат луѓето, тогаш тие се подготвеи да платат високи казни за тоа“.
Пазарен удел на синџирите маркети во Австралија
Bloomberg Mercury
Истрагата на Австралиската комисија за пазарна конкуренција и заштита на потрошувачи повика на поголема транспарентност од супермаркетите за цените, иако не препорача каква било регулатива или принудно распаѓање на големите синџири.
Австралиската опозициска Либерална партија се залагала за воведување „таргетирано одземање на вложувањата“, изјави сенаторот Џејмс Патерсон за истата телевизија. „Можеме да ја имаме таа моќ како последно средство, што ќе биде многу тешко за нив“