20 милиони домови во САД исклучени поради неплатени сметки за струја

Околу 20 милиони домаќинства во САД се исклучени од мрежата за снабдување со електрична енергија. Тоа значи дека секое шесто семејство нема пари да ги плати сметките за струја. Овие податоци ги објави Националната асоцијација за енергетска помош (National Energy Assistance Directors Association -Neada), според која се работи за најлошата енергетска криза што е евидентирана до сега. Тоа се отсликува преку континуираниот раст на цената на струјата, главно поттикнат од зголемените трошоци за природниот гас.

Проблемот со плаќање на сметките за енергија е уште поголем во Европа, каде што цената на природниот гас скокна многу повеќе поради руско-украинскиот воен конфликт. Властите во Европа почнаа да интервенираат со милијарди евра помош за семејствата со финансиски потешкотии, со цел да можат да ги платат сметките. Но, во САД засега нема најави за слични потези.

Исклучувањето на струјата во услови на летни горештини со рекордно високи температури може да има смртоносни последици. Луѓето се сериозно поголени од високиот раст на цените па, дел од нив се принудени на избор меѓу храна, домување и сметки за струја.

Просечната цена што потрошувачите ја плаќаат за струја се зголеми за 15 отсто во јуни, што претставува најголем раст на цената од 2006 година.

Американските домаќинства сега се двојно позадолжени за струја отколку пред кризата, а вкупно должат околу 16 милијарди долари за заостанати неплатени сметки.

Некои од снабдувачите на барање на локалните власти се согласија да не ги исклучуваат домаќинствата во време на летните горештини, односно до месец октомври. Но, мораториумот претставува само времено запирање, поради што постои опасност дека откако ќе измине рокот ќе се случи вистинско цунами на исклучувања на домаќинства од мрежата за снабдување со електрична енергија.

Во моментов нема коментари за веста. Биди прв да коментира...

Остави коментар