Европската унија (ЕУ) работи со „добра волја“ за да обезбеди трговски договор со САД базиран на „почитување“, а не на „закани“, изјави европскиот комесар за трговија Марош Шефчовиќ, по коментарите на американскиот претседател Доналд Трамп дека ќе воведе царини од 50 отсто за ЕУ.
Трамп изјави дека не „бара трговски договор“ со Европската Унија, заканувајќи се дека од 1 јуни ќе воведе царини од 50 проценти за увоз од 27-те земји-членки.
„ЕУ е целосно ангажирана и решена да обезбеди договор што ќе им одговара на двете страни. Трговијата меѓу ЕУ и САД мора да биде водена од меѓусебно почитување, а не од закани. Ние сме подготвени да ги браниме нашите интереси, напиша Шефчовиќ на мрежата X по разговорите со американскиот трговски претставник Џејмисон Грир и секретарот за трговија Хауард Лутник.
Прочитај повеќе
„Блумберг“: Тарифниот хаос и фискалната неспособност се лош економски рецепт
Се чини дека сè уште живееме во ера на непријатни закани со високи царини за трговските партнери на САД
пред 7 часа
Трамп се заканува со царина од 50 проценти на стоките од ЕУ почнувајќи од јуни
„Нашите разговори со нив не водат никаде“, вели Трамп.
23.05.2025
Послабиот долар наводно нема да биде дел од американските преговори за царините
Американските претставници што сакаат да преговараат за трговски договори низ целиот свет не работат на вклучување ветувања за валутна политика во договорите.
15.05.2025
Царинските акробации на Трамп ги држат берзанските аналитичари во неизвесност
Стратезите за продажба масовно ги намалуваат своите прогнози за индексот S&P 500, бидејќи претседателот Доналд Трамп воведе царини низ целиот свет.
14.05.2025
Во светот на Трамп, авионите се клучни за политичко додворување
Претседателот слета во Саудиска Арабија со „ер форс уан“, авион стар речиси 40 години, за кој се потсмеваше дека итно му е потребна надградба.
14.05.2025
По заканите од Вашигнтон, ЕУ во почетокот на мај најави дека ќе воведе царини за увоз од САД во вредност од 95 милијарди, што се однесува на автомобили и авиони, ако трговските преговори со администрацијата на Трамп не успеат.
Европската комисија, исто така, објави дека ќе се жали пред Светската трговска организација (СТО) за трговските мерки што САД ќе ги воведуваат против ЕУ.
Во последните месеци ЕУ беше три пати погодена од царините на американската администрација: 25 проценти за челик и алуминиум, кои беа објавени во средината на март, 25 проценти за автомобили, а потоа во април 20 проценти за сите други европски производи.
Царините беа суспендирани до јули за да се овозможат преговори, но царинските давачки од 10 проценти сè уште важат за повеќето стоки што ги извезуваат 27-те земји-членки на ЕУ во САД.
Откако се врати бво Белата куќа Доналд Трамп редовно ја напаѓа Европа, сметајќи ја, како што рече, „полоша од Кина“ во трговските односи.
САД го проценуваат својот дефицит во трговијата со ЕУ во 2024 година на 235 милијарди долари, но Европската комисија истакнува дека суфицитот на САД во услугите го намалува трговскиот дефицит на околу 57 милијарди долари.
.webp){kind=icon}
