Американските комунални компании минатата година произведоа рекордно количество електрична енергија од обновливи извори, и тоа во време кога администрацијата на Доналд Трамп воведуваше низа мерки за да го забави развојот на зелената енергија.
Од обновливи извори во 2025 година се произведени 1.162 терават-часа електрична енергија, што е 10 отсто повеќе отколку претходната година, покажуваат податоците на сојузната влада. Обновливите извори сочинувале 26 проценти од вкупното производството на електрична енергија во САД, што е доволно за снабдување на околу 108 милиони домаќинства за една година.
Во некои месеци уделот бил и поголем. Во март речиси секој трет киловат-час произведен во САД доаѓал од обновливи извори.
Прочитај повеќе
Акциите за чиста енергија го продолжуваат растот поради побарувачката за ВИ
Глобалниот индекс S&P Global Clean Energy Transition, кој следи повеќе од пет милијарди долари средства на фондови што се тргуваат на берза, порасна за над три отсто во првите неколку трговски сесии од годината.
08.01.2026
Денес е можно да украдете и ветер, а загубите се мерат во милиони
Kолку повеќе се градат ветерни електрани, толку појасно станува дека не е сè така идеално.
04.06.2025
Кина бележи прв пад на производството на струја од фосилни горива по една деценија
Централите на фосилни горива во Кина се на пат да го забележат првиот годишен пад по една деценија, откако обновливите извори ја преземаат растечката побарувачка.
15.12.2025
Овој тренд се јави во време кога администрацијата на Трамп ги намалува субвенциите за ветер и сонце и ги ублажува прописите за квалитетот на воздухот со цел да ги олесни условите за работа на секторот на фосилни горива. Сепак, економијата на обновливите извори им оди во прилог и го зголемува нивниот удел во производството.
„Обновливите извори продолжуваат да растат, без оглед на тоа што во насловите често се истакнува природниот гас како главен играч“, вели Патрик Фин, главен аналитичар во истражувачката компанија „Вуд Мекензи“ (Wood Mackenzie). „Иако од Вашингтон доаѓаат многу пречки, зад нас се четири години во кои тие беа речиси незначителни“.
Производството на обновлива енергија во САД достигна рекорд
Bloomberg
Минатата година во САД беа отворени неколку големи централи на природен гас, но нивниот капацитет беше надминат од порастот на помалите соларни и ветерни централи. Новите проекти не се концентрираа само во сојузните држави што традиционално поддржуваат зелени политики. Во април беше пуштена во работа соларната централа „Хорнет“ (Hornet), со капацитет од 600 мегавати, јужно од Амарило, додека неколку месеци подоцна започна со работа ветерниот парк „Бивер Крик“ (Beaver Creek), источно од Билингс, со капацитет од околу 248 мегавати.
Иако обновливите извори имаа силна година, растот на побарувачката за енергија, поттикнат од центрите за податоци, електричните возила и индустријата, го зголеми и производството од фосилни горива. Производството на електрична енергија од јаглен се зголеми за 13 проценти. Администрацијата во меѓувреме дополнително го поддржа секторот на фосилни горива со субвенции и одлуки што го одложија затворањето на некои електроцентрали.
„Американското производство на нафта е зголемено за повеќе од 600.000 барели дневно“, изјави американскиот претседател Доналд Трамп во своето обраќање за состојбата на нацијата. „Производството на природен гас е на историски максимум, бидејќи го одржав ветувањето дека ќе дупчиме“.
И покрај тоа, обновливите извори растат побрзо, главно поради падот на цените на фотоволтаичните ќелии, турбините и големите батериски системи. Според анализа на инвестициската компанија „Лазард“ (Lazard), изградбата на нови соларни и ветерни станици денес во повеќето сценарија е поевтина опција од алтернативните технологии, дури и без субвенции.
Трендови на уделот од обновливи извори низ годините
Bloomberg
Тоа е видливо и во плановите за наредниот период. Над речиси 80 проценти од капацитетот на електроцентралите што се планира да бидат додадени во наредните десет години ќе бидат од обновливи извори, покажуваат податоците од пријавите за федералните регулатори и оператори на мрежата што ги собрал „Клинвју“ (Cleanview).
Аманда Левин од Советот за одбрана на природните ресурси (Natural Resources Defense Council) смета дека темпото на изградба може дополнително да се забрза, бидејќи комуналните компании сакаат да ги искористат федералните субвенции пред да истечат.
Планирани нови капацитети на електроцентралите во 2026 година
Bloomberg
Владата проценува дека 93 проценти од новите производствени капацитети што ќе се приклучат на мрежата оваа година ќе доаѓаат од ветер, сонце и батерии. Тоа отвора простор за обновливите извори да произведуваат речиси една третина од киловат-часовите во САД до 2030 година, вклучувајќи ја и хидроенергијата, проценува „Вуд Мекензи“.
„Денес во големи размери и по прифатлива цена се градат само ветерни, сончеви и батериски станици“, истакнува Левин. „Без разлика што Трамп се обидува, враќањето на фосилните горива на старото ниво едноставно нема да се случи“.
.webp){kind=icon}
