ЕЦБ ќе почне со намалување, следните чекори ќе зависат од платите

На овонеделната седница очекуваме почеток на циклусот на намалување на каматните стапки. ЕЦБ е многу веројатно да ги намали референтните каматни стапки за 25 базични поени. Стабилизирањето на стапките на раст на инфлацијата е главниот двигател на ваквата одлука.

Растот на инфлацијата се стабилизираше во еврозоната на нивоа од околу 2,6 проценти во мај, при што тесниот пазар на труд сè уште е врши притисок насекаде низ ЕУ. Невработеноста се‘ уште е на историски ниско ниво од 6,5 проценти, додека вработеноста расте со солидна годишна стапка од еден процент. Глобалните притисоци врз цените на енергентите се намалуваат заедно со постепеното „смирување“ на геополитичките состојби, што придонесува за продолжување на стабилизирањето на стапките на раст на инфлацијата.

Очекувањата за почеток на намалувањето на каматните стапки се забележуваат во движењето на шестмесечниот еурибор, кој моментно е на ниво од 3,75 проценти, што е за 20 базични поени пониско од почетокот на оваа година. Исто така, пазарите на обврзници последните денови се на зелена територија, односно приносите паѓаат на пониски нивоа од претходните недели. Приносот на германската 10-годишна еврообврзница во последната недела падна за дополнителни 10 базични поени на 2,55 проценти поради силните очекувања за почеток на циклусот на намалување на каматните стапки. Вишокот ликвидност во еврозоната постепено се намалува во согласност со рочниот план на различни програми за квантитативно олеснување и моментално е помал за 23 проценти на годишна основа.

Движењето на платите ќе бидат во фокусот на ЕЦБ, при што силниот тренд на раст на платите останува притисок, што би можело да го намали бројот на намалувања на каматните стапки до крајот на годината. Каматите на кредитите во ЕУ моментално го достигнаа својот врв, а продолжувањето на намалувањето на каматните стапки ќе доведе до намалување на трошоците за финансирање на компаниите, но и на населението. Конечно, очекуваме шестмесечниот еурибор да се движи кон три проценти до крајот на 2024 година.

 

Во моментов нема коментари за веста. Биди прв да коментира...

Остави коментар