Американскиот долар останува најсилната валута во услови на тековни геополитички превирања, при што неодамнешниот избор на новиот претседател Доналд Трамп дава дополнителен замав. Во текот на изминатите три месеци, индексот DXY покажува дека доларот пораснал за 6,5 проценти во однос на главните валути, надминувајќи го петгодишниот просек за ист процент. Најавата за нови царини за Канада и Мексико, како и дополнителни царини за Кина дополнително го зголеми притисокот врз доларот.
Понатаму, разликата во реалната каматна стапка меѓу Фед и ЕЦБ ги поддржува очекувањата за континуирано, иако умерено, зајакнување на доларот во однос на другите валути. Нестабилноста на американскиот долар, исто така, значително се намали, моментално 30 проценти под 30-годишниот просек, што укажува на зголемена стабилност во последните месеци.
Нашите проценки за односот евро/долар од минатиот квартал (опсег 1,08–1,12) се одржаа до изборот на новo/стариот претседател на САД, чија реторика предизвика слабеење на еврото. Еврото падна на најниско ниво во последните две години, пад од приближно 4,7 проценти од годишно ниво. Падот беше позначаен, но еврото малку закрепна откако Трамп се воздржа од спомнување на ЕУ во новите царински најави. Гледајќи напред, американската политика несомнено ќе игра доминантна улога во обликувањето на глобалните пазари следната година. Доколку САД избегнат да наметнат царини за производите на ЕУ - или ги наметнат на пониски од очекуваните нивоа - еврото би можело да се врати назад кон нивото 1,08.
Прочитај повеќе
Трамп: Земјите од БРИКС да се обврзат дека ќе го користат доларот
Ако го напуштат доларот ќе се соочат со царини од 100 отсто
01.12.2024
Доларот на пат да стане „посилен за подолго“, а еврото?
Преовладува мислењето дека перспективите за вредноста на доларот се многу порозови отколку за еврото.
21.11.2024
Хеџ фондовите инвестираат во турски лири во постизборниот валутен хаос
Државните банки продадоа повеќе од 500 милиони долари за да ја одбранат лирата и да ја зачуваат вредноста на ниво од околу 34,3550 за долар.
06.11.2024
Сепак, геополитиката останува непредвидлива, особено кога во голема мера е водена од одлуките на еден поединец. Исто така, политичките несогласувања во Франција извршија дополнителен притисок врз слабеењето на еврото, со оглед на тоа што е втора по големина економија во Европската унија. Како резултат на тоа, очекуваме поголема нестабилност во односот евро/долар, со малку поширок опсег на тргување во споредба со последните месеци. За првиот квартал од 2025 година, сè уште очекуваме притисок врз еврото кон паритет (1-1,05), бидејќи политиката на новиот претседател најверојатно ќе добие појасна форма. За остатокот од годината, предвидуваме стабилизирање на тензиите поврзани со царината и консолидација на редовите во ЕУ.
.webp){kind=icon}
