.webp){kind=icon}
Најновиот европски нуклеарен реактор достигна максимално производство, обезбедувајќи одредено олеснување за тесниот пазар на електрична енергија во регионот.
Финскиот Olkiluoto-3, лоциран на полуостров во Балтичкото Море, синоќа за првпат достигна целосна моќност, соопшти денеска операторот Teollisuuden Voima Oyj. Агрегатот од 1.600 мегавати сè уште е во фаза на тестирање, а редовното производство треба да започне во декември.
Електраната обезбедува витални резерви за нордиската нација откако увозот од Русија беше целосно прекинат во мај. Финската мрежа предупреди на можни прекини оваа зима бидејќи Европа се соочува со најголемата енергетска криза во последните децении. Трите реактори во Olkiluoto сега произведуваат 40 отсто од електричната енергија во Финска.
Реакторот, кој го чинеше операторот приближно 6,4 милијарди долари, се тестира од март. Кога започна изградбата во 2005 година, постројката требаше да биде најголема во светот, но беше надмината и сега е трета по големина во светот.
По повеќе од една деценија одложувања поради лиценцирање и тешкотии во изградбата, Финска го стартуваше својот прв нов нуклеарен реактор по повеќе од 40 години на почетокот на март. Земјата долго време се потпира на увоз на електрична енергија од соседите, главно Русија и Шведска.
Olkiluoto-3 беше лансиран во ера на рекордни трошоци за електрична енергија и ќе помогне да се обезбеди одредено олеснување за индустриите жедни за енергија во регионот. Енергетската криза и руската војна во Украина покажуваат колку се клучни домашните залихи.
