.webp){kind=icon}
Откако претрпеа долги и големи загуби, акциите на пазарите во развој и во Азија, вклучувајќи ја и Јапонија, се близу до крајот на својот мечкин пазарен период, сметаат аналитичарите од Морган Стенли. Многу е веројатно дека пазарот го допре дното кога ги гледаме знаците за екстремна продажба, напишаа стратезите на инвестициската банка.
Ова е коригирана проценка на тимот на Морган Стенли, со оглед на тоа дека тие претходно во текот на оваа година предвидуваа продлабочување на пазарите во развој, како и пазарот во Кина, бидејќи се работеше за остар пад поради големиот раст на доларот и строгите кинески ограничувања поради Ковид политиката.
Морган Стенли очекува дека референтната вредност на индексот „MSCI EM“, кој што ги следи финансиските перформанси на клучните компаниите во земјите во развој, ќе порасне за околу 12 отсто до наредниот јуни. Претходно овој индекс запиша пад во пет последователни квартали, а во текот на оваа година загуби 26 отсто од вредноста.
Прочитај повеќе
Зеленилото од САД и Европа се прошири и на азиските берзи
Индексот „S&P 500“ доби 3,1 отсто на својата вредност, додека индексот „Nasdaq“ се зголеми за 3,1 процент
05.10.2022
Bloomberg Mercury
„Многу дрва се исечени и време е да засадиме нови фиданки за следниот циклус“, напишаа аналитичарите на Морган Стенли.
Индексот „MSCI EM“ е подготвен за својата четврта лоша година во однос на акциите на пазарите во развој. Тука Кина презема најголем дел од вината за историскиот пад на овие акции, главно поради националната нулта Ковид политика, кризата со пазарот на недвижнини и затегнатите односи со западот поради што пазарот во Кина во моментов е едно од најлошите во светот. Овие прашања ќе ја спречат Кина да ги надмине резултатите во следните 12 месеци, што веројатно ќе придонесе и за заздравување на индексот „MSCI EM“, сметаат од Морган Стенли.
Инаку, кинеските акции на Хонгконшката берза имаа најдобри резултати во Азија во текот на денешното тргување. Индексот „Hang Seng“ порасна за повеќе од 6 отсто, приклучувајќи се на глобалното зеленило што во изминатите два дена владее на американските и европските берзи. За таквата состојба на пазарите на капитал придонесоа слабите американски економски податоци и обложувањата на инвеститорите дека американските Федерални резерви (ФЕД) нема да бидат премногу агресивни во зголемувањето на каматните стапки.
Во меѓувреме, еден од најголемите инвеститори на Вол Стрит, Мајкл Вилсон, предвидува дека американските акции и натаму ќе бележат пад. Предвидува и можен пад на индексот „S&P 500“ кон крајот на оваа година и почетокот на следната, на ниво од 3.000 до 3.400 бодови.
Bloomberg Mercury
Десетте критериумим, односно показатели, кои што Морган Стенли ги користи за препознавање на пазарните движења, укажуваат на голема веројатност дека во моментов се формира дното на индексот „MSCI EM“ и азиските акции, сигнализирајќи на „уверлива“ можност за купување, наведуваат аналитичарите во својот извештај.
Јужна Кореја и Тајван се „најдобра прилика во новиот циклус“, бидејќи и двата пазари значајно потфрлија во текот на оваа година, а пресвртот во циклусот е близу, сметаат аналитичарите на Морган Стенли.
Морган Стенли ги намали своите прогнози за оваа година за некои од државите, како Индија и Малезија, а ги подобри за Мексико.
