'Сити': Цената на акциите најчувствителна на рецесија

Акциите во САД се инвестициски инструмент најпогоден од стравот од рецесија кај инвеститорите, а можни се дополнителни загуби на тој пазар, сметаат стратезите за квантитативна анализа на компанијата „Ситигруп“ (Citigroup Inc.).

„Во вредноста на американските акции е вклучен поголем дел од ризикот од рецесија, иако не и целиот ризик, а допрва следуваат промени во очекувањата во однос на финансиските извештаи“, велат во соопштение од 18. октомври, Алекс Саундерс и неговите колеги. „Обврзниците во САД во најмала рака го засметаа ризикот од рецесија и ќе биде потребно извесно време должничките хартии од вредност да реагираат на ризиците од рецесија и заострувањето на монетарната политика од страна на Федералните резерви (ФЕД)“, се додава во извештајот.

Истражување на Bloomberg, во кое беа опфатени главно економисти од њујоршката берза, покажува дека ризикот од рецесија во САД во 2023 година е околу 60 отсто, додека пред еден месец податоците покажаа дека има половични шанси за рецесија. Иако кривата на принос покажува дека шансите за рецесија се 34 отсто според податоците на Citi, економистите на Bloomberg, Елиза Вингер и Ана Вонд се попесимисти и наведуваат дека шансите САД да влезат во рецесија во следните 12 месеци се 100 отсто.

Позицијата на стратезите од Citigroup е во согласност со анализата на JPMorgan Chase & Co. од минатиот месец. Вредноста на американските акции потона, а високата и упорна стапка на инфлација и најавите за натамошното заострување од ФЕД ги поттикнаа стравувањата за рецесија. Ниту претседателот Џо Бајден, кој тврди дека падот на бруто домашниот производ ќе биде многу мал, не ги смири пазарите.

Откако во јуни, според техничките параметри, индексот S&P 500 влезе во мечкин пазар, тој продолжи со овогодинешниот пад, па по затворањето на пазарот во вторникот, берзанскиот индекс вредеше 22 отсто помалку отколку на почетокот од годината. Исто така, приносот на десетгодишните државни обврзници се зголеми за повеќе од 250 базични поени од почетокот на годината.

Ниеден инвестициски инструмент не ги прецени шансите за рецесија, а акциите најблиску го одразуваат ова сценарио, напишаа Саундерс и неговите колеги. „Ова време е нетипично, високата стапка на инфлација врши притисок врз обврзниците, а нивната вредност најчесто скока заедно со појавата на страв од рецесија“, додаваат тие.

Препорачуваат инвеститорите да користат стратегија за следење на трендот, бидејќи таа покажала добри резултати во периоди кои се карактеризираат со опаѓање на економската активност и стагфлација.

И од „Голдман сакс“ (Goldman Sachs Group Inc.) преферираат поодбранбен став во поглед на секторската прераспределба на портфолиото, наведувајќи дека акциите „во моментот не го одразуваат соодветно ризикот од рецесија во САД, што многу менаџери ја очекуваат во текот на следната година“.

„Одбранбените позиции со соодветен одговор“ вклучувајќи ги и компаниите кои се бават со здравствени услуги, компаниите кои произведуваат стока за широка потрошувачка и телекомуникациските компании, забележуваат Дејвид Ј. Костин и неговите колеги.

Во моментов нема коментари за веста. Биди прв да коментира...

Остави коментар