.webp){kind=icon}
Акциите на „Енвидија“ (Nvidia Corp.) годинава порасна за повеќе од 200 проценти. Доколку се гледаат како претставници на балонот на пазарот на акции поврзани со развојот на вештачката интелигенција (ВИ), „Морган Стенли“ (Morgan Stanley) очекува тргувањето со овие акции наскоро да го достигне врвот.
Гледајќи го историскиот контекст, растот на овие акции е потенцијално во завршна фаза, посочува во белешка Едвард Стенли, стратег во „Морган Стенли“. „Балоните имаат тенденција да растат во просек за 154 проценти за три години пред да го достигнат својот максимум“.
Додека „Енвидија“ е светол пример што ја поттикна возбудата на пазарот за сите нешта поврзани со вештачката интелигенција, Стенли вели дека другите индикатори во оваа област, како што е индексот MSCI USA IMI Robotics & AI Select Net USD, забележале поскромен раст. Индексот забележа раст од 46 отсто.
Bloomberg Mercury
Акциите во овој сектор немаат единствени карактеристики. Затоа Стенли вели дека, земајќи ги предвид идиосинкрезиите поврзани со поединечните имиња, „донесувањето заклучоци во врска со брз раст или спласнување на балонот може да се направи само на ниво на индекс“.
