.webp){kind=icon}
Депрецијацијата на јенот под нивото што ја натера Јапонија минатата година да интервенира на девизниот пазар сега ги прави некои инвеститори нервозни поради купувањето јапонски акции. Просекот на индексот Nikkei 225 падна за 1,4 отсто во четвртокот на берзата, дури и откако јенот падна девет дена по ред, достигнувајќи деветмесечен минимум од 146,56 јени за долар.
Bloomberg Mercury
Државната интервенција беше спроведена минатата година, кога јапонската валута достигна ниво од 145,90 јени за долар. Иако можеби нема веднаш да предизвика акција од властите, инвеститорите внимателно ги следат потенцијалните ризици. Владините претставници ќе ја видат брзината на движење на валутата како поважна од нивото што ја достигнува. „Некои инвеститори се претпазливи од можноста да бидат фатени среде ненадејна апрецијација на јенот“ доколку владата дејствува, рече Такаши Ито, висок стратег во „Номура секјуритис“ (Nomura Securities Co) во Токио.
„Сепак, поширокиот тренд на јенот нема да се промени дури и ако има интервенција“, рече тој. И покрај слабеењето на јенот, јапонските акции се соочуваат и со притисоци создадени од бавниот напредок на американските акции и економските проблеми на Кина. Најголемите акции на индексот Nikkei 225 паднаа за околу три отсто во текот на изминатиот месец, додека јенот забележа пад од над пет отсто.
