.webp){kind=icon}
Европските акциски фондови 16-та недела по ред трпат одлив на инвестиции, со што вкупните повлекувања достигнаа 27 милијарди долари од почетокот на годината до денес, објавија стратезите на „Бенк од Америка“ (Bank of America Corp.), цитирајќи ги податоците на „ЕПФР Глобал“ (EPFR Global). Само во изминатата недела Европа имаше најголем одлив меѓу главните региони со егзодус од 4,6 милијарди долари.
Ваквите текови само го потенцираат спласнувањето на растот на европските берзи во време кога индексот Насдак 100 (Nasdaq 100) е пред одбележување на историски најдобро прво полугодие од една година. Велика Британија посебно заостанува со оглед на тоа што индексот ФТСЕ 100 (FTSE 100) малку се промени од почетокот на 2023 година.
Лошите перформанси на европските акции делумно го одразуваат зголемениот интерес меѓу инвеститорите за акциите на брзорастечките компании и акциите на технолошките гиганти, кои имаат многу поголема тежина во САД. Силата на американската економија, исто така, веројатно одиграла улога поради стравувањата од слабеење на глобалниот раст.
„Технолошката изложеност повторно ги поттикнува регионалните текови на капитал, што е од корист на американските акции и доларот“, напиша стратегот на „Берклис“ (Barclays Plc), Емануел Кау, во белешката оваа недела, нагласувајќи дека Европа е единствениот голем регион во кој има одливи во јуни.
„За разлика од тоа, американските инвеститори почнаа да продаваат европски акции прв пат оваа година, при што податоците за слабеење на активностите поттикна поголеми одливи од регионот“, додаде тој.
