Европските акции продолжија да растат четири дена по ред, што е нивната најдолга победничка серија од јули. Растот е поттикнат од надежите дека циклусот на зголемување на каматните стапки на Федералните резерви е завршен.
Индексот Stoxx Europe 600 порасна за 1,6 проценти до затворањето на тргувањето, при што најмногу добија акциите од секторите недвижности и автомобили. Индексот на недвижности Stoxx 600 се зголеми најмногу во последните девет месеци, бидејќи секторот оптоварен со долгови имаше корист од олеснувањето на приносите на обврзниците. Акциите на „Ново Норидиск“ (Novo Nordisk A/S) дадоа најголем поттик на индексот откако компанијата објави раст на продажбата во третиот квартал што се должи на побарувачката за лековите за слабеење односно за дијабетес.
Помеѓу другите поединечни акции, „Луфтханза“ (Deutsche Lufthansa AG) се зголеми откако авиокомпанијата рече дека е на пат да ги исполни своите финансиски цели оваа година и во 2024 година. „Шел“ (Shell Plc) порасна откако го забрза темпото на откуп на акции, додека „ИНГ“ (ING Groep NV) падна откако предупреди дека е можно намалување на приходите од камати.
Оптимизмот кај инвеститорите се зголеми откако ФЕД реши да не ги корегира каматните стапки по втор пат, а претседателот Џером Пауел навести дека зголемувањата се можеби завршени. Банката на Англија го следеше примерот и ја остави референтната стапка на заеми на највисоко ниво во последните 15 години, при што гувернерот Ендрју Бејли рече дека е „многу рано“ да се размислува за намалувања.
Европските акции имаат добра недела, по падот во октомври што ги доведе блиску до бришење на годишните добивки. Инвеститорите остануваат фокусирани на монетарната политика, додека ги анализираат најновите резултати на компаниите и го следат развојот на настаните во војната Израел-Хамас.
.webp){kind=icon}
