text size
Кина соопшти дека ќе го намали коефициентот на задолжителна резерва за банките во рок од две недели и навести повеќе мерки за поддршка што следуваат, невообичаена рана најава што ја покажува сè поголемата итност за владата на претседателот Шји Џјинпинг да ја зајакне економијата и да го запре распадот на берзата од 6 трилиони долари.
РРР (RRR) - што го одредува износот на готовина што банките треба да ги чуваат во резерва - ќе се намали за 0,5 процентни поени на 5 февруари за да обезбеди 1 трилион јуани (139 милијарди долари) долгорочна ликвидност на пазарот, соопшти Народната банка на Кина. Ова на брифингот за новинарите го изјави гувернерот Пан Гонгшенг.
Станува збор за реткост кога се во прашање транспарентни најави за промена на политиката од страна на шефот на Народната банка. Вообичаено, централната банка прво го објавува тоа на својата веб-страница, при што Државниот совет - кабинетот на Кина - понекогаш го навестува тоа претходно. Но вознемирувачките економски податоци и огромниот пад на акциите ги натераа властите да ја засилат реториката неделава. Забелешките на Пан се напластуваат на бранот ветувања од други агенции по повикот на премиерот Ли Чијанг за стабилизирање на пазарот.
„Најавувањето на намалување на РРР однапред сугерира дека нема други ефективни алатки достапни за да се запре неуспехот на пазарот“, вели Шен Менг, управен директор во „Чансон“ (Chanson & Co) со седиште во Пекинг.
Индексот на кинески претпријатија Hang Seng ги зголеми добивките по забелешките на Пан, поставувајќи го својот најголем дводневен напредок од ноември 2022 година. Приносот на 10-годишните државни обврзници на Кина малку се лизна пред да се врати на 2,51 отсто. Офшор јуанот ги избриша претходните загуби.
Додека многу економисти очекуваа намалување на РРР во одреден момент овој квартал, не е јасно колку тоа ќе ја придвижи работата. Неколку аналитичари гледаат на најновиот потег како начин за ублажување на ликвидноста пред лунарната Нова година следниот месец, но секое пошироко влијание врз економијата може да биде ограничено.
„Намалувањето на РРР помага за расположението во смисла дека акцијата изгледа порешително“, рече Кевин Нет, шеф за азиски акции во „Токвил“ (Tocqueville Finance SA). „Но некои инвеститори може да го искористат ова како излезна можност ако има такво краткорочно враќање на пазарот - освен ако нема повеќе политики за решавање на структурните прашања, како оние со пазарот на недвижности“, додава тој.
.webp){kind=icon}
