.webp){kind=icon}
Не сите компании од групата величествени седум ги исполнија очекувањата, но тоа не ги спречи овие технолошки акции да станат уште поголеми во однос на остатокот акции од индексот S&P 500.
И покрај лошите перформанси годинава од компаниите како „Епл“ (Apple Inc.) и „Тесла“ (Tesla Inc.), групата достигна рекордна тежина во однос на референтната вредност, во услови на значаен раст на технолошките акции.
Групата, која ги вклучува и „Алфабет“ (Alphabet Inc.), „Мајкрософт“ (Microsoft Corp.), „Енвидија“ (Nvidia Corp.), „Амазон“ (Amazon.com Inc.) и „Мета платформс“ (Meta Platforms Inc.), сега сочинува речиси 30 отсто од S&P 500, повеќе од индустриските акции, тие на потрошувачките основни производи, енергијата, секторот за материјали, комунални услуги и секторот за недвижности заедно.
Bloomberg Mercury
Технолошките гиганти беа поттикнати од „Енвидија“, која доби повеќе од 80 отсто годинава, во услови на голема побарувачка за нејзините чипови што се користат во компјутерите со вештачка интелигенција. „Мета“ скокна за 48 отсто, додека „Амазон“ порасна за 24 проценти. „Мајкрософт“ и „Алфабет“ го надминаа S&P 500. „Епл“ падна за околу 9 отсто.
Групацијата годинава е оптоварена со пад од околу 30 отсто на акциите на „Тесла“, бидејќи компанијата се соочува со забавување на побарувачката за електрични возила. На инвеститорите им недостига јасност потребна за да се обложуваат на трајно закрепнување.
