Преглед на берзите: Нов рекорд на златото, индексите во зелено

Златото повторно достигна рекордно високо ниво, а повеќето од главните берзански индекси што ги следиме вчера беа во зелено. Биткоинот останува на околу една десетина до својот рекорд, а бараните приноси на државните обврзници растат.

Светски индекси

Глобалните индекси што ги следиме денот го завршија главно во зелено. Американскиот S&P 500 зајакна 0,39 отсто, додека Dow Jones industrial avarage порасна малку повеќе, добивајќи 0,71 отсто. Euro Stoxx 500 го заврши денот за 0,12 отсто повисоко од претходниот ден.

Да ја погледнеме Азија, каде што прва се затвори денешната трговска сесија: јапонскиот берзански индекс Nikkei зајакна 0,61 отсто, индексот Hang Seng во Хонг Конг зајакна 1,10, а шангајскиот CSI 300 за 1,26 отсто.

Скок на „Енвидија“, паѓа цената на „Гугл“

На берзите ќе ги истакнеме акциите на оние компании за кои последниве денови повеќе се зборуваше. Да почнеме со „Гугл“. Цената на акцијата драстично падна по објавувањето на резултатите, -7,3 отсто и не доживеа поголемо закрепнување. Последниот договор во пладневното тргување беше склучен на 191 долар по акција, додека на 4 февруари вредеше добри 206 долари.

Акциите на „Енвидија“ (Nvidia) повторно растат. Вчера тие затворија на 124,83 долари по акција, што е повеќе од пет отсто повеќе од претходниот ден. Од друга страна, акциите на АМД (AMD), кои произведуваат компјутерски процесори, паднаа за повеќе од шест отсто.

Акциите на „Тесла“(-3,58 отсто) и на „Епл“ (-0,14 отсто) исто така паднаа, додека на „Метин“ пораснаа за десетина процентен поен.

Бараните приноси на обврзниците растат

Бараниот принос на 10-годишните американски обврзници во последните денови благо падна на 4.434, но денес бележиме благ пораст. Во Европа ито така растат бараните приноси. За германските 10-годишни обврзници принсото изнесува 2.370 (+0,7), а за француските обврзници е 3.096 (+1,5).

Рекорд на златото

Во последните денови забележавме постојан пораст на цената на златото, коешто достигна рекордно високо ниво од 2.882 долари за унца во средата. Цената на затворањето беше 2.867 долари за унца, или нешто под еден отсто повисока од претходниот ден.

Во моментот на пишување на оваа статија, околу 8:30 часот, унцата е малку поевтина - чини 2.860 долари.

Биткоинот под сто илјади долари

Најголемите крипто токени ги зајакнаа своите вредности. Биткоинот доби добар процент во вредност, но сè уште е под границата од 100.000 долари по токен. Во моментов се менува за 98.237 долари по токен. Етериум доби добри два проценти и вреди 2.844 долари. Криптовалутата ХРП, исто така, зајакна со иста стапка како и етериумот- во денешното тргување, еден токен може да се купи за 2,45 долари.