„Нисан“ надолу, „Хонда“ нагоре по веста за проблемите во спојувањето

Веста за неуспешниот договор за спојување на „Хонда“ и „Нисан“, објавена во јапонскиот весник „Асахи“ (цитирајќи непознати извори), предизвика јасна реакција кај пазарите на капитал. Имено, акциите на „Хонда“ и „Нисан“повторно покажаа спротивни трендови, по прилично конвергентните трендови во изминатиот месец, кога пазарот се приспособи по најавата за спојување. Поточно, акциите на „Нисан“ паднаа за четири отсто во еден ден кога беа објавени гласините за забавување на преговорите (04.02.2025), додека акциите на „Хонда“ пораснаа за 8 отсто.

„Нисан“ ја преиспитува понудата на „Хонда“

Како што е опфатено во поопсежна анализа на спојувањето на „Хонда“ и „Нисан“ (Спојувањето на Хонда-Нисан формира нов фронт во борбата против кинеските производители | Блумберг Адрија), „Нисан“, како и во сојузот со „Рено“, повторно се наоѓа на совозачкото седиште. „Нисан“ повторно влегува како помал партнер - пазарната капитализација на „Нисан“ е речиси една петтина од пазарната капитализација на „Хонда“  (од 30.09.2024 LTM). „Хонда“ очигледно ја претстави понудата за спојување на „Нисан“на основа „земи или остави“, што дополнително ги маргинализира интересите на „Нисан“ и го натера неговото раководство да ја преиспита понудата. „Нисан“, поучен од сојузот со „Рено“ чекори крајно претпазливо во нови преговори, така што веста за потенцијалното отфрлање на понудата на „Хонда“ од страна на „Нисан“има смисла.

Под знак прашалник сè уште е иднината на „Нисан“со оглед на трендот на опаѓање на растот на приходите. Спојувањето со „Хонда“ би им обезбедило поддршка од поголем партнер и во голема мера би ги заштитило од конкурентните ветрови. Консолидацијата најмногу има фискална смисла, имајќи предвид дека и „Хонда“ и „Нисан“ ги губат пазарните удели од кинеските конкуренти.

Преговорите дополнително се комплицираат од страна на „Рено“, со оглед на веста дека претставници на „Рено“ се испратени во Јапонија за да преговараат за премија за купување на нивниот удел во „Нисан“. Третиот партнер во алијансата, „Митцубиши“, се уште не ги открива своите карти и чека на „Хонда“ и „Нисан“да донесат конечна одлука до крајот на месецот.

Иднината на алијансата се чини неизвесна во овој момент, но Хонда сè уште се држи до својот првичен план да ги објави деталите за трансакцијата кон средината на февруари, и да ја котира споената компанија на берзата во август 2026 година.

Со забавување на преговорите, „Нисан“ веројатно си купува време и се обидува донекаде да ја задржи својата преговарачка позиција во алијансата, додека „Хонда“ засега цврсто се држи до плановите наведени по најавата за спојување.

Текстот е апдејтиран со информацијата дека „Нисан“ ги прекинува преговорите за спојување со „Хонда“